புழுதிக்காடு

தமிழா !!! விழித்திடு

2011-03-23T11:34:00.002+05:30

ஒரு நாளைக்கு 18 மணி நேரம் உழைக்கும் என்னிடம் ஒருவர் கேட்டார் - எதற்காக இத்தனை கஷ்டப்படுகிறாய் என்று? நான் கேட்டேன் - கஷ்டப்படாமல் எப்படி வாழ்கையை ஓட்ட முடியும் என்று? அவர் சிரித்தபடி சொன்னார்...

என்னை பார் 1 ரூபாய்க்கு அரிசி வாங்கி உண்டு விட்டு உறங்கி விடுகிறேன். போரடித்தால் வண்ணத் தொலைகாட்சியில் திரைப்படம் பார்த்திடுவேன், உழைக்காமல் நோய் வந்தால் மருத்துவரிடம் ஓடிடுவேன், உயர் சிகிச்சை பெற்றிடுவேன் ராஜமரியாதையுடன். !!!

உழைக்காமல் எப்படியப்பா இத்தனையும் முடியும்?

முதலாமவர் சிரித்தபடி கேட்டார் - நான் யார் தெரியுமா?

தமிழ்நாட்டுக் குடிமகன்....

என் நாட்டில் உணவுக்கு அரிசி 1 ரூபாய். சமைபதற்கு கேஸும் அடுப்பும் இலவசம் . பொழுதுபோக்கிற்கு வண்ணத் தொலைக்காட்சி மின்சாரத்துடன் இலவசம். எதற்காக நான் உழைக்க வேண்டும்?

நான் கேட்டேன் - உன் எதிர்கால சந்ததியின் நிலை என்ன?

பலமாக சிரித்தபடி உரைத்தார் ., மனைவி பிள்ளை பெற்றால் ரூபாய் 5000 இலவசம் சிகிச்சையுடன். குழந்தைக்கு சத்துணவு இலவசம் பாலர் பள்ளியில். படிப்பு சீருடையுடன் மதிய உணவும் இலவசம் முட்டையுடன்.

பாடப்புத்தகம் இலவசம், படிப்பும் இலவசம், பள்ளி செல்ல பஸ் பாஸும் இலவசம் , தேவை என்றால் சைக்கிளும் இலவசம்.

பெண் பருவமடைந்தால் திருமண உதவித்தொகை ரூபாய் 25000 இலவசம். 1 பவுன் தாலியுடன் திருமண செலவும் இலவசம். தேவை என்றால் மாப்பிள்ளையுடன் பேப்பரில் விளம்பரமும் இலவசம். மகள் பிள்ளை பெற்றால் மீண்டும் அதே கதை தொடரும், அவள் வாழ்க்கையிலும்.

நான் எதற்கு உழைக்க வேண்டும் !!!

என் உயிர் தமிழகமே இன்னும் எவ்வளவு காலம் இந்த நிலை தொடரும்?

இலவசம் என்பதற்கு இரண்டு அர்த்தம் உண்டு.

ஒன்று கையூட்டு மற்றொன்டு பிச்சை !!!

இதில் நீ எந்த வகை? எதை எடுத்துக்கொள்வது ?

உழைக்காமல் உண்டு சோம்பேறியாகிறாய் - இலவசம் நின்று போனால் உன் நிலை??? !!!

உழைப்பவர் சேமிப்பை களவாடத் தலைபடுவாய் !!!

இதே நிலை தொடர்ந்தால் - இலவசம் வளர்ந்தால் அமைதிபூங்காவம் தமிழகம் கள்வர் பூமியாய் மாறும் நிலை இன்னும் வெகு தொலைவில் இல்லை.

தமிழா விழித்திடு - உழைத்திடு
இலவசத்தை வெறுத்திடு - அழித்திடு
தமிழகத்தை தரணியில் உயர்த்திடு !!!!

நாளைய தமிழகம் நம் கையில், ரத்தத்தின் ரத்தமான உடன்பிறப்பே சிந்திப்பாயா !!!

மனம் வெதும்பும் ஒரு தமிழனின் மனசாட்சி...

பி. கு : நண்பர் லோகு உதவியுடன் எழுதிய ஒரு அவசர பதிவு.

சந்தோஷி நினைவுகள்...

2010-10-15T22:03:00.006+05:30

காதலை எப்படி சொன்னாலும் நல்லா இருக்கும். அது போல் காதல் கதையும் எத்துனை முறை மாத்தி மாத்தி சொன்னாலும் நல்லா தான் இருக்கும், இருக்கணும் என்ற நம்பிக்கையில்.....

நான் இங்கு பகிர போவது கதையல்ல நிஜம் என்று சொல்லவில்லை... நிதர்சன கற்பனை என்று வைத்துக்கொள்ளலாம்.

நாளை என்பது விடிந்தால் தான் உண்மை என்ற கொள்கையில் திரிபவன் தான் நமது ஹீரோ. அழகு இல்லை, படிப்பு இல்லை,எதிர்பார்ப்பு இல்லை, முக்கியமா கையில் காசு கூட இல்லை.. ஆனால் நண்பர்கள் அதிகம். (நல்ல நண்பர்களா என்றெல்லாம் ஆராய கூடாது). ஆனாலும் ஒரு சந்தோசமான வாழ்கையை வாழ்பவன்.

ரொம்ப shy டைப் ஆசாமி, சுருங்க சொன்னா கண்ணீர் விடுவது கூட தண்ணீருக்குள் தான் என்றால் பார்த்துக்கொள்ளுங்கள். கரையை தேடும் கப்பல் போல்,அவனது பயணத்தில் வந்து போனது பல அனுபவங்கள்.ஆனால் அன்று அவனுக்கு கிடைத்த இடம் சொர்க்கமோ என்று நினைக்கும் அளவு, அடங்கி கிடந்த அணுக்களெல்லாம், திமிறி எழுந்த இடம். ஒரு கணம் திகைத்து, மறுகணம் வாஸ்கோட காமாவின் அப்போதைய மகிழ்ச்சி எழுந்து மறைந்தது.

இது எனக்கான இடம் என்று மனது சொல்ல அங்கு ஆரம்பமானது அவன் வசந்த காலம். விண்ணுக்கும் மண்ணுக்கும் இடைவெளி இல்லாமல் வெற்றிடத்தை மட்டும் பார்த்த அவனது கண்களுக்கு, அவளை முதன் முதலில் பார்த்த இடம் அவனை சிலிர்த்து எழ வைத்தது.

இலக்கில்லாத பயணத்தில், வழித்துணையாய் மட்டும் இல்லாமல், வாழ்க்கை துணையாய் வர, இதோ உன் கண்முன்னே ஒருத்தி என்று அவனது ஏழாவது அறிவு அவனுக்கு உணர்த்தியது...

...தொடரும்

பி . கு : காதல் கதை எழுதுவதில் இது எனது முதல் முயற்சி... நல்லா இருக்கு என்று, உங்கள் ஆதரவு இருந்தால் தொடரும்....

நான் மட்டும் ஒத்தையாளா எப்படி இந்தியாவை காப்பாத்துவேன்......!

2010-10-14T15:47:00.002+05:30

மெயிலில் வந்தது. உங்களுக்காக....

ஏன் இந்தியா பிரச்சனையிலேயே இருக்கு....?

மக்கள் தொகை: 110 கோடி. 9 கோடி ஓய்வு பெற்றவர்கள் 30 கோடி மாநில அரசு பணியாளர்கள் 17 கோடி மத்திய அரசு பணியாளர்கள்(இருவருமே வேலை செய்யறதில்லை)

1 கோடி IT ஆளுங்க (அவங்க என்னிக்கு இந்தியாக்கு உழைசாங்க)
25 கோடி பள்ளில படிப்பவர்கள்

1 கோடி 5வயசுக்கும் கீழானவர்கள்

15 கோடி வேலை தேடுவோர்

1.2 கோடி சீக்கு புடிச்சி ஆஸ்பிடலில் இருப்போர்

ஒரு புள்ளிவிபரத்தின் படி 79,99,998பேர் ஜெயிலில்

மிச்சம் இருப்பது நீயும் நானும்

நீ எப்போ பார்த்தாலும் ஆன்லைன்ல பிஸி

அய்யோ நான் மட்டும் ஒத்தையாளா எப்படி இந்தியாவை காப்பாத்துவேன்...............!

முடிய்யீல...................!

ஹையோ..! ஹையோ........!

செகண்டு இன்னிங்க்ஸ்

2010-10-10T22:10:00.001+05:30

வணக்கம் வலை நண்பர்களே..

மிக நீண்ட இடைவேளைக்கு பின் மீண்டும் ப்ளாக் பக்கம் வர நேரம் கிடைத்தது. உள்ள வந்து பார்த்தா தலையே சுத்துது... எவ்வளவு மாற்றங்கள். இந்த ஆறு மாத கால இடைவேளை என்னை பத்து வருடங்கள் பின்னுக்கு தள்ளியது போல் ஒரு உணர்வு. உலக சுழற்சியின் வேகம் எப்படிப்பட்டது என்பதனை வலையுலகு பக்கம் வந்தால் தெரிந்து விடலாம் போல.. :)

லேட்டா வந்தாலும் லேட்டஸ்டா வரணும் என்ற நமது முதியோர் சொல்லுக்கு இணங்க, எனது வலைப்பூவின் தோற்றம் மாற்றியுள்ளேன். (வேற என்னாத்த செய்ய முடியும் ;) ) அரைத்த மாவையே வித விதமா அரைத்து காலத்தை ஓட்டுற வித்தை ஷங்கருக்கு வேணும்னா (அட நம்ம கேபிள் அண்ணன் இல்லங்க) சரிப்பட்டு வரும். அதை நான் செஞ்சா வலையுலக சீனியர்'ஸ் என்னை அன்போட அடிக்க கிளம்பிடுவாங்க.

கடவுளே இவனுக்கு சாவே வராதா என நீங்க சொல்றது எனக்கும் கூட கேக்குது, இருந்தாலும் என்ன அனத்த விட்டு தான் ஆகணும். இல்ல அழுதிருவேன்.( mind reading கத்துகிட்டோம்ல) அதே போல் நண்பர்கள் அனைவரின் வீட்டுக்கு போய் நலம் விசாரிக்கணும். என பல பணிச்சுமைகள் உள்ள காரணத்தால் எனது re-entry ஸ்கிரிப்ட் இத்துடன் முடிக்கப்படுகிறது...

ஹி ஹி, தப்பிச்சதா யாரும் நினைக்காதீங்க. இது வெறும் ட்ரைலர் தான், மெயின் பிட்சர் இனிமேல் தான். We will meet----- will meet-----meet. again....

வாழும் வரலாறு

2010-02-24T19:24:00.004+05:30

ஒருநாள் கிரிக்கெட் வரலாற்றின் பொன்னான நிமிடங்கள்.. 200 ரன்கள் எடுத்தது மட்டுமில்லாமல், இந்தியாவுக்கு எதிராக பதியப்படிருந்த சாதனையை முறியடித்து, பாரத தேசத்திற்கு மீண்டும் மணிமகுடம் சூடினார் சச்சின்..

நூறு முறை சதம் அடிக்க காத்திருக்கும் உனது சாதனைகளை காண எனக்கு ஆயிரம் கண்கள் இருந்தாலும் போதாது... வாழ்க சச்சின்....

அந்த ஒரு நிமிடம்

2010-02-18T23:40:00.004+05:30

இன்று இந்திய அணி, உலக டெஸ்ட் தரவரிசை பட்டியலில் முதலிடத்தை தக்க வைக்க காட்டிய போராட்டத்தை வார்த்தைகளால் விவரிக்க முடியாது.

வெற்றியின் அந்த கடைசி நிமிடங்களில், என்னை நானே மறந்து, குழந்தையாக ஒரு மாறிய நொடி ::)))

ஆனால் இந்த தொடரின் உண்மையான வெற்றியாளர், One Man show நடத்தி காட்டிய ஆம்லா மட்டுமே... Hats off :)))

ஊர் கூடி..

2010-02-08T17:23:00.002+05:30

எந்த நேரத்துல இந்த பழமொழி சொன்னங்க என்று எனக்கு தெரியலை, ஆனா இதன் உள்அர்த்தம் ஒவ்வொரு நிகழ்விலும் எனக்கு உணர்தபடுகிறது. ஒவ்வொரு சின்ன விடயமாகிடும் ஆழ்ந்து ஆராய்ந்து பார்த்தால், ஒன்றுக்கும் மேற்ப்பட்ட என்ற விகுதியே எஞ்சி நிற்கிறது(அக்காரியத்தை நிறைவேற்ற)..

ஒருவன் அல்லது நான் என்ற நிலையை தாண்டி சிந்திக்கும் பொழுது எல்லாம் நம் கை கூடி வரும் நிலை. ஒரு காரியம் நிறைவேறினால், எனக்கு கிடைக்கும் லாபம் என்று பார்ப்பதை விட, நமக்கான லாபம் என்று பார்த்தால் அதன் வேகம் கூடுகிறது. அது தனிஒருவன், குடும்பம், தெரு, ஊர், நகர், நாடு என்று ஒவ்வொரு நிலைக்கும் பொருந்துகிறது.

ஊரோடு ஒத்து வாழ்பவன் மனிதன், ஊரையே தான் வழிக்கு மாற்றுபவன் தலைவன். ஆனால் தலைவன் ஆவது அவ்வளவு சுலபம் இல்லை. ஊரை மட்டும் அல்ல உலகையே தன்வழிக்கு மாற்றிய வல்லமை ஹிட்லருக்கு வேண்டுமானால் சரிவரும்.... நமக்கோ????

குறை சொல்வது ஒன்றையே குறியாக கொண்டு பதிவுகள் இட்டு வரும் குழுவை சுட்டவே இந்த பதிவு. அவர்கள் மாற வேண்டும்.. சம்பந்தமே இல்லமா எதுக்கு இந்த நேரத்தில் இந்த பதிவு என்று யோசிக்காதீங்க..

அதோடு பின்நவீனத்துவம் என்றால் இப்படி தான் இருக்குமோ (யாருக்கும் புரியாமல்). அப்படி இந்த பதிவை படிச்ச ஒருவருக்கும் எதுவும் வெளங்கலை என்றால் Almost I have Succeded in my Mission. :)))

சும்மா ஒரு பதிவு

2010-02-05T16:30:00.002+05:30

இன்னைக்கு எதாவது ஒன்னு எழுதியாகனும் என்று நினைத்தேன் ஆனால் என்ன எழுதுவது என்று தெரியவில்லை, சரி எழுதும் பொழுது ஏதாவது யோசனை வரும் என்று நினைத்து எழுத நினைத்தால், ஹ்ம்ம் ஒன்னும் வர மாட்டேங்குது...

சரி யாரையாவது சண்டைக்கு இல்லுக்கலாம் என்று நினைத்தால் எல்லோரும் நல்லவங்களா மாறிட்டீங்க.. வேற வழியே இல்லை, யோசனை செஞ்சு எதுனா ஒன்னு எதுதியே தீரனும்...

பத்தாவது படிக்கும் பொழுது, அடுத்த ரெண்டு வருஷம் தான் தம்பி கஷ்டம், காலேஜ் போய்ட்டா நாலு வருஷம் சும்மா ஜிகு ஜிகுனு இருக்கும் என்று உசுப்பேத்தி படிக்க வைக்கிறாங்க. காலேஜ் போயாச்சு, ஆனா அங்கே, இந்த நாலு வருஷம் தான் உன்னோட வாழ்க்கையையே மாத்த போவுது, நல்லா படிச்சு ஒரு வேலைக்கு போய்ட்டா எல்லாமே உன் உள்ளங்கையில் என்று உசுப்பேத்துறாங்க.. அதையும் தாண்டி நல்லாவும் படிச்சு நல்லா வேலையும் கிடைச்சாச்சு..

அங்கே போனா, நாலு பேரு, நாலு நாள் சேந்து செய்யற வேலையை ஒரு ஆளு கிட்ட குடுத்து ஒரே நாள்ல செய்டா ராசா இல்ல சம்பளம் கோவிந்தா என்று சொல்லிட்டு போய்டுறாங்க.. மேலதிகாரிக்கு பயந்து லீவ் நாள் கூட வேலை செய்ய வேண்டியதா இருக்கு.

அதையும் தாண்டி ஒரு லெவல்க்கு வந்ததுக்கு அப்புறம், கால் கட்டு போடுறேன் என சாக்கு சொல்லி கல்லை தூக்கி தலையில் போடுறாங்க, அதுக்கு அப்புறமும் எங்கே சார் நிம்மதி... இருபது வயசுல பாக்காததையா அறுபது வயசுல பாக்க போறோம்..

ஷோ மக்களே, இந்த மாதிரி பதிவை படிச்சு டென்ஷன் ஆகாம, எதையும் ஜாலியா எடுத்து, இன்னைக்கு தான் நிஜம் என்று மனதில் வைத்து சந்தோசமா இருங்க..

அதுக்காக கடுப்பாகி ஓட்டு போடாமே போய்டாதீங்க... :))))

4 சாப்பாடு விலை 50,000 ருபாய்

2010-02-03T15:46:00.003+05:30

என்னங்க தலைப்ப பார்த்தா சும்மா அதிருதில்ல... மேட்டர் இருக்கு, பொறுமையா முழு பதிவையும் படிங்க... உண்மை புரியும்...

போன வாரம் சனிக்கிழமை வள்ளலார் தினம்னு சொல்லிட்டு சரக்கு கடைக்கு எல்லாம் லீவ் விட்டுடாங்க.. அதே நாளில் நாங்க நண்பர்கள் நாலு பேரு சந்திச்சோம். அதில் ஒருவர் அவருக்கு இருந்த செல்வாக்கை வச்சு (இங்கேயுமா), மேட்டர் ரெடி செஞ்சார் . ஆக சரக்கு கைல இருக்கு, அடிக்க இடம் தேடனுமே.. எல்லோரும் hollow modeல ரவுண்டு கட்டி நின்னு கூடி பேசி ஒரு முடிவுக்கு வந்தோம். கார் எடுத்து நகரை விட்டு வெளியேறி ஓரிடத்தில் சரக்கடித்து, சாப்பிட மட்டும் அருகில் இருக்கும் நல்ல கடைக்கு போவோம் என்று.

சரக்கு அடிக்கிற வரை எல்லாம் சரியா தான் நடந்தது, அதன் பிறகு வண்டியை செலுத்திக்கொண்டிருந்த பொழுது, காருக்குள் நடந்த கலோபரத்தில், நிலைதடுமாறி எதிரே வந்த லாரியை தவிர்க்க எண்ணி வண்டியை ஓட்டிய நண்பர் வேகமா செயல்பட்டார், அப்பொழுது சிறிதளவு சாலையை விட்டு கீழிறங்கிய வண்டி, நிறுத்த எத்தனித்த நேரத்தில், ஆளில்லாமல் தனியாக நின்றுகொண்டிருந்த மொபட் மீது மோதிவிட்டது. அந்த சமயம் ஏற்பட்ட பதட்டத்தில், அந்த இடத்தில் குழுமிய மக்களின் கொலைவெரிக்குரளுக்கு பயந்து, வாகனத்தை நிறுத்தாமல் நண்பர் செலுத்தி விட்டார்.

ஆன் த வழியில், நாங்கள் தேடி சென்ற கடையும் (ஆட்டோட தலையில் இருந்து கால் வரை தனி தனியாக சமைத்து சுவையாக பரிமாறும் இடம்) கண்ணில் பட, உடனே நண்பர் அந்த உணவகத்தினுள் வண்டியை செலுத்திவிட்டார். நாங்கள் நால்வர் (நண்பர் 1,2,3,4) என்று வைத்துக்கொள்ளுங்கள். அனைவரும் உணவருந்த அமர்ந்தோம். எதிர்பார்த்து சென்ற அனைத்து வகைகளும் இலையில். நல்ல பசி வேறு, வழியில் நடந்த சம்பவத்தை மறந்து உணவில் கைவைத்த வேளையில், உணவகத்தின் வெளியே ஒரே கூச்சல்.மாப்ள நாம தேடி வந்த வண்டி வகையா மாட்டிக்கிச்சு, எல்லோரும் இங்கே வாங்கடா என்று.

அப்பொழுது ரத்த பொரியலை சுவைத்துக்கொண்டிருந்த என் மனதில், வெளிய போனா இப்படி தான் நம்ம நிலைமையுமா என்று நினைப்பு தான். இருந்தாலும் உணவின் சுவை, வேறு எதை பற்றியும் நினைக்காமல் சுவைக்க வைத்தது, அதே சமயம் என்னுடன் வந்த நண்பர் 1,2 இருவரும் அவசரமாக இலையை மடித்து விட்டு எழுந்தனர். சரி வெளிய போய் பஞ்சாயத்து பேச போராங்களோ என்று நினைத்து நானும், நண்பரும் அமைதியாக இருந்தோம். (நமக்கு ஒரு வேலை மிச்சம்ல), ஆனால் நாங்கள் உணவருந்தி எழுந்த பின்பு தான் தெரிந்தது, அவங்க பஞ்சாயத்து பேச போகல, பஞ்சா பறந்து போய்ட்டாங்க என்று.

சரி ஆனது ஆகட்டும் என்று நினைத்து நானும் நண்பரும் வெளியே சென்றோம். அப்பொழுது நண்பர் சமாதனம் பேச முயன்று, முடிவில் அது கைகலப்பு ஆகிவிட, நண்பர் விட்ட குத்தில், எதிர் ஆசாமி தாடை வீங்கியது. அப்பொழுது சைடுல இருந்து ஒரு குரல், டேய் நம்ம தலைவர் மேலையே கை வச்சுடாங்கடா என்றது. என்னது நீ தான் தலைவனா, என்ற ரீதியில், நண்பர் விலக, இடையில் புகுந்த நான் எதோ உளற, அந்த கேப்ல நண்பர் எஸ்கேப் ஆகி, சும்மா PT உஷா ரேஞ்சுக்கு காட்டுக்குள் ஓடிக்கொண்டிருக்கும் பொழுது, எனக்கு செல்பேசியில் அழைத்தார்.

தம்பி அங்கே இருந்து எப்படியாவது அப்பிட்டாகிடு, இல்லனா சங்கு தான் என்று சொல்லி அழைப்பை துண்டித்தார். நானோ, இங்கே இருந்து ஓடனும்னா கூட எப்படியும் 5 மைல் வருமே, என்று சத்தமில்லாமல் நகர்ந்தேன். ஆனா பாருங்க, அந்த சமயம் பாத்து, அம்புட்டு பயக கண்ணும் நம்ம மேல தான் இருக்கு. ஒரு வழியா சூனா.பானா ரேஞ்சுக்கு களத்தில் இறங்கி அம்புட்டு பயலையும் சமாளிச்சு, பஸ் ஸ்டாண்டு வரக்குள உசுரு போயிருச்சு.

அன்னைக்கு பறந்த நண்பர்களை(1,2) அடுத்த நாள் மாலை தான் பார்த்தேன். அட ஓட்டிட்டு வந்த வண்டியை கூட விட்டு ஓடிடாங்கப்பு. அத எடுத்து வர மீண்டும் அதே ஊருக்கு போனதும் தான் தெரிந்தது, வண்டி மட்டும் தான் நின்னுட்டு இருக்கு, உள்ள இருக்கதெல்லாம் உருவிட்டு போய்டாங்க என்று.

ஒரு வழியா, கண்ணியமான காவல் துறைக்கு கப்பம் கட்டுவதில் ஆரம்பித்து, நஞ்சு போன வண்டியை நல்லா மாத்தும் வரை ஆனா செலவுகளை சேர்த்து பார்த்தா, சும்மா ஐம்பதை தாண்டுது. அப்போ, நான் நம்ம நண்பரிடம் (1), எல்லாத்தையும் கணக்கு எழுதுவீங்க, இந்த செலவை என்னான்னு.... என்று இழுத்தேன், உடனே நண்பர் வேற என்ன எழுத முடியும், நாலு சாப்பாடு 50,000 ரூபாய்னு தான் என்றார், ஒரே சோக மயமாக.

ஆக மக்களே, இப்படி 50,000 ருபாய் சாப்பாடு, சாப்பிட ஆசை இருந்தா எங்க மாதிரி பண்ணுங்க. இல்ல நல்ல படியா நம்ம ஊரு டிராபிக் விதிகளை பாலோ பண்ணுக.

மறுபடி சிந்திப்போம்.

ஆயிரத்தில் ஒருவன் - late(st) ரிவ்வியு

2010-01-18T21:43:00.004+05:30

அநேகமா பதிவுலகின் ஜாம்பவான்கள் இந்த பட விமர்சனத்தை அக்கு வேறா ஆணி வேறா பிரிச்சு மேஞ்சுட்டங்க. அதுக்குமேல அநேகமா எல்லோருமே ஒன்னுக்கு ரெண்டுவாட்டி படத்தையும் பார்திருபாங்க. இதுக்குமேல சொல்றதுக்கு என்ன இருக்கு, ஆனாலும் எதுவோ ஒன்னு, மனசுல பட்டதை பதிஞ்சு வச்சிடுனு சொல்லுது, செஞ்சிடவேண்டியது தான்.

டெக்னிகல், படத்தொகுப்பு, லொட்டு லொசுக்கு இதுபத்திஎல்லாம் எனக்கு தெரியாது. ரெண்டு மடக்கு காப்பி தொண்டைய நனைச்சாலும், அந்த தித்திப்பு ஒரு நிமிசவாவது நாக்குல நின்னா அது நல்ல காபி. அதே போல தான் படமும். திரையரங்கை விட்டு வெளியேறும் பொழுது, ஏண்டா வந்தோம்ன்னு இல்லாம, ஒரு நிமிசமாவது படக்காட்சிகள் மனத்திரையில் ஓடினால், திருப்பதியா இருக்கு என்று அர்த்தம்.

முதல் பாதி ஓகே. ஆனா ரெண்டாவது பாதி தான், படம் எடுத்த இயக்குனருக்கே என்ன பண்ணனும்னு தெரியலை, வெண்டக்கா பொடலங்கா என்று பலதரப்பட்ட யோசனைகள். ஆல்ரெடி 3.1/2 மணி நேர படம் திரையரங்கு ஆப்ரேட்டர்களின் கைவண்ணத்தால் அரைமணி நேரம் குறைக்கப்பட்டுள்ளது, இதுக்குமேல முடிவை எங்கே போய் சொல்றது.

காடு, மலை, கருப்பு சிகப்பு எல்லாத்தையும் விட்டு பார்த்தால், தமிழ் (இப்படியாவது கத்துகிட வேண்டியது தான்), ஆலிங்க தரிசனத்துக்கு மீனிங் தேடுற அளவு தமிழ் மொழி மேலே ஒரு ஈர்ப்பு வருது (கௌரவர்கள் நுறு பேர் எப்படி என்ற நெடுநாளைய கேள்விக்கு ஓரளவு விடை கிடச்சுது). அடுத்து போர் முறை, எதிரிப்படையை ஊடுருவி தாக்குதல், படைகள் சிதறாமல் முன்னேறி, தேவையான சமயத்தில் ஒன்று கூடுதல், ராஜாவை காப்பாற்ற, மனித கேடையங்கள் அமைத்து, உயிர் விடும் சிப்பாய்கள்.

மன்னராக இருந்தாலும், மக்களில் ஒருவன் என்பதை காட்ட, பொதுமக்களில் ஒருவர் ராஜாவின் கன்னத்தில் அறையும் காட்சி, சிறு கண்ணசைவுக்கு கூட பொருள் கண்டு இயங்கும் தன்மை, போட்டியில் வென்ற ஒருவனுக்கு அளிக்கப்படும் மரியாதை, பெண்களின் சம பங்கு (படம் முழுவதும்) என்று சொல்ல எவ்வளவோ இருக்கு.

சரளமா ஆங்கிலத்தில் திட்டி விளையாட கூட முடியும், ஆனால் உயிர் போகும் நேரத்தில் கூட, தமிழ் பேச வராமல் ஆண்ட்ரியா திணறும் காட்சி மிக இயல்பு. போர் முறையை பற்றி பார்த்திபன் (சோழ மன்னன்) குறிப்பிடும் காட்சியில், நிச்சயமாக இலங்கை நிகழ்வு கண்முன் நிழலாடுகிறது. நம்மையும் அறியாமல் மனதில் ஒரு கிலோசம். (ஒருவேலை இதுக்காகத்தான் சங்கர் அண்ணா பதிவில், அவ்வளவு எதிர்ப்புகளோ?).

படத்தின் முடிவில் ஒரு தொடக்கத்திற்கான அடையாளமே தெரிகிறது. அது, இப்படத்தின் வெற்றியை பொறுத்தே என்பதில் எள்ளளவும் சந்தேகமில்லை. அதற்காகவாவது இப்படம் வெற்றியடைய வேண்டும்.

இந்த பக்கமும் வந்துட்டு போங்க.

2009-12-31T23:24:00.003+05:30

இந்த நேரத்தில் பதிவிட்டு நீண்டநாட்கள் ஆகிவிட்டது. ஆனா வருடபிறப்பு வாழ்த்து சொல்ல இது தானே சரியான நேரம். தனிப்பட்ட முறையில் பத்து வருட அனுபவத்தை அளித்த ஒரே வருடம் இது தான். தொழில் ரீதியாகவும், சொந்த வாழ்விலும் பல வகையான கலவையான அனுபவங்கள். அனைத்தும் கடந்து இதோ கடவுள் அருளால் 2010 லும் காலடி வைக்கும் பாக்கியம் கிட்டியுள்ளது.

இன்று நடந்த சுவாரசியமான நிகழ்வு, எதாவது ஒரு கெட்ட பழக்கத்தை மாத்திக்கணும் என்று ரொம்ப சீரியசாக அம்மாவிடம் பேசிக்கொண்டிருந்த பொழுது, இதுக்கு மேல இன்னும் ரெண்டு பழக்கம் அதிகமாகாம இருந்த சரி என்று அம்மா பட்டுன்னு சொல்லிடாங்க. யோசிக்கணும்... மறக்கமுடியாத நிகழ்வு பதிவுலகம் மற்றும் அதன் மூலம் கிடைத்த நண்பர்கள். அது தவிர என்று பார்த்தால், நம்ம டீ கடை நாகராஜ் அண்ணன். சிவகங்கையிலிருந்து எனக்காகவே வந்து கடை வச்சிருபாறு போல. எவ்வளவு அக்கௌன்ட் வச்சாலும் தாங்கராறு, அவரு ரொம்போ நல்லவரு.

லாஸ்ட் பட் நாட் தி லீஸ்ட்...

வழக்கமா இல்லாம கொஞ்சம் வித்தியாசமா வாழ்த்து சொல்லிட்டா பதிவை முடிச்சுக்கலாம். ஸோ கீழ உள்ளதை, உள்ளபடி ப்பாலோ பண்ணுங்க.

கீழே உள்ள எண்களை அப்படியே காப்பி செய்து notepadல் paste செய்யவும்.

666666666666666666666666666666666666666666666666666666666666666666666666666666666666666666666666666666666666666
666996666699669966999999996699666669966666669966666699669999999966996666996666666666666696666666666666666666666
666996666699669966999999996699666669966666666996666996669999999966996666996666666666666999666666666666666666666
666996666699669966996666666699666669966666666699669966669966669966996666996666666666669969966666666666666666666
666996696699669966999999996699999999966666666669999666669966669966996666996666666666699666996666666666666666666
666996999699669966999999996699999999966666666666996666669966669966996666996666666666999999999666666666666666666
666999969999669966666666996699666669966666666666996666669966669966996666996666666669999999999966666666666666666
666999666999669966999999996699666669966666666666996666669999999966996666996666666699666666666996666666666666666
666996666699669966999999996699666669966666666666996666669999999966999999996666666996666666666699666666666666666
666666666666666666666666666666666666666666666666666666666666666666666666666666666666666666666666666666666666666
666666666666666666666666666666666666666666666666666666666666666666666666666666666666666666666666666666666666666
666666666666666666666666666666666666666666666666666666666666666666666666666666666666666666666666666666666666666
669966666996666666669666666666999999996699999999669966666699666666669966666996699999999669966666996666666666666
669966666996666666699966666666999999996699999999666996666996666666669996666996699999999669966666996666666666666
669966666996666666996996666666996666996699666699666699669966666666669999666996699666666669966666996666666666666
669999999996666669966699666666999999996699999999666669999666666666669969966996699999999669966966996666666666666
669999999996666699999999966666999999996699999999666666996666666666669966996996699999999669969996996666666666666
669966666996666999999999996666999666666699666666666666996666666666669966699996699666666669999699996666666666666
669966666996669966666666699666996666666699666666666666996666666666669966669996699999999669996669996666666666666
669966666996699666666666669966996666666699666666666666996666666666669966666996699999999669966666996666666666666
666666666666666666666666666666666666666666666666666666666666666666666666666666666666666666666666666666666666666
666666666666666666666666666666666666666666666666666666666666666666666666666666666666666666666666666666666666666
666666666666666666666666666666666666666666666666666666666666666666666666666666666666666666666666666666666666666
666996666669966999999996666666669666666666999999996666666699999996699999999666999666699999999666666666666666666
666699666699666999999996666666699966666666999999996666666699999999699666699666699666699666699666666666666666666
666669966996666996666666666666996996666666996666996666666666666699699966699666699666699966699666666666666666666
666666999966666999999996666669966699666666999999996666666666666996699696699666699666699696699666666666666666666
666666699666666999999996666699999999966666999999996666666666669966699669699666699666699669699666666666666666666
666666699666666996666666666999999999996666996996666666666666996666699666999666699666699666999666666666666666666
666666699666666999999996669966666666699666996699666666666699999999699666699666699666699666699666666666666666666
666666699666666999999996699666666666669966996666996666666699999999699999999666999966699999999666666666666666666
666666666666666666666666666666666666666666666666666666666666666666666666666666666666666666666666666666666666666

பிறகு ctrl+H அழுத்தவும். அதன் பிறகு வரும் boxல் enter 6 in find box and underscore (_) in replace box and click replace all button.

அவளோதங்க. வந்த வேலை முடிஞ்சது. நண்பர்கள் அனைவருக்கும் எனது மனம் நிறைந்த ஆங்கில புத்தாண்டு நல்வாழ்த்துக்கள்.

சேம் சைடு கோல்

2009-12-14T22:34:00.004+05:30

வலையில் உலவிக்கொண்டிருந்த பொழுது, கண்ணில் பட்டது..

அப்படியே உங்களுக்காக..

புரிந்தவர்கள் வாய்விட்டு சிரிக்கவும். புரியாதவர்கள் பின்னூட்டம் போட்டு திட்டவும்.

பேப்பர் -- பேப்பர்

2009-12-06T19:25:00.003+05:30

என்ன தான் தகவல் தொடர்பு அசுர வளர்ச்சி அடைந்தாலும், காலையில் தினசரிகளை படிப்பதென்பது தனி சுகம். அதிலும் ஓசி பேப்பர் என்றால், கேட்டகவா வேண்டும். இந்த பதிவு எழுதுவதற்கு டீ கடை மற்றும் அதனை தொடர்ந்து வீட்டில் நிகழ்ந்த ஒன்றே காரணம்.

பொதுவாக காலையில் டீ கடைக்கு சென்றால், கருமமே கண்ணாக அங்கு இருக்கும் தினசரிகளை பலர் பிரித்து மேய்ந்துகொண்டிருப்பர். ஒரு தினசரியை நார் நாராக பிரித்து, குறைந்தது பத்து நபர்கள் படிப்பார்கள். அந்த கலோபரத்தில் எப்படியாவது நாமும் புகுந்து ஒரு பேப்பரை கையில் எடுத்து உட்கார்ந்தால், நமக்கு அருகில் கண்டிப்பாக யாரவது ஒருவர் வந்து அமருவார். முதலில் சிறிதளவு எட்டிப்பார்த்து படிக்கும் படலம் தொடங்கும். பின்னர் சிறிதளவு நெருங்கி வந்து மிகவும் அவசரமாக எதையாவது படிப்பார். மேலும் சில நொடிகள் கடந்தால், மூச்சு காற்று படும் தூரத்தில் அவரது முகம் இருக்கும். இதுக்கு மேல தாங்காது என்று நம் கையில் உள்ள பேப்பரை அவரிடம் குடுத்தால், ச்சே இந்த படம் , பக்கத்துல இருக்க தியேட்டர்ல வராம போயிருச்சே என்று சொல்வார் பாருங்க...

இது கூட பரவாஇல்லை. ஒரு சில கடைகளில், பஜ்ஜியை பில்ட்டர் பண்ண பழைய பேப்பர் வாங்கி வைத்திருப்பார் கடைகாரர், ஆனால் அதை கூட கவனிக்காமல், ஒரு சிலர் மும்முரமாக மூழ்கிவிடுவார். அதோடு நில்லாமல், அண்ணே தங்கம் விலை ஏறப்போகுதமே, என்று சில பல செய்திகளை வேறு பகிர்ந்துகொள்வார்.

கடையை விட்டு வெளியேறும் பொழுது, பழைய நினைவு ஒன்று, நானும் எனது நண்பர்களும் வெளிமாநிலத்தில் தங்கியிருந்த சமயம். ஒரு நாள் காலையில், கடைக்கு போகலாம் என்று (அங்கேயுமா!!) கிளம்பினேன். சீனியர் நண்பர் ஒருவர், தம்பி வரும் போது ஒரு பேப்பர் வங்கி வந்திடு என்றார் என்னிடம். சரி என்று தலையாட்டிவிட்டு, கடைக்கு போய் திரும்பினேன். விடுதி அறையை அடைந்தவுடன் , நண்பர் எங்கே பேப்பர் என்று அவசரமாக கேட்டார்.. அண்ணே தமிழ் பேப்பர் எதுமே இல்ல என்று நான் சொல்ல, நண்பர் டென்ஷன் ஆகி, அட இங்கிலீஷ் பேப்பர் கூட இல்லையா என்றார். நான் சிறிது அதிர்ந்து போய், அண்ணே எப்போல இருந்து இங்கிலீஷ் பேப்பரெல்லாம் படிக்க ஆரம்பிச்சீங்க என்றேன் அப்பாவியாக. அதற்கு அவர், எப்பா நீ வேற , நான் அவசரமா போகணும் என்று ஒரு இடத்தை நோக்கி கை நீட்டினார். (அவர் கை நீட்டிய இடம் கழிவறை). மீண்டும் நான், அங்கே தண்ணி நல்லா தானே வருது என்றேன். அவர் அழுவாத குறையாக, எப்பவும் பேப்பர் படிச்சுக்கிடே போய் பழகிட்டேன். இப்போ பேப்பர் இல்லாம என்ன செய்யிறதுன்னு தெரியலை என்றார். நான் அப்படியே ஷாக் ஆகிட்டேன்.

இதை நினைத்தவாறே வீட்டுக்கு அருகில் வந்தால், வீட்டுக்கு முன் ஒரே கூட்டம். என்னவென்று வாட்ச்மேனிடம் விசாரித்தால், காலைல பேப்பர்காரன் , பேப்பரை தண்ணி மேல வீசிட்டான். காய வைக்கலாம்னு வெளிய வெயில்ல விரிச்சு வச்சிருந்தேன், தப்பா போச்சு என்றார் கூட்டத்தை பார்த்து...

என்ன இருந்தாலும் பேப்பர் படிக்கிறது தனி சுகம் தான்.

லேடீஸ் ஸ்பெஷல்

2009-10-25T11:34:00.005+05:30

அதுக்காக ஆண்கள் கோபப்பட்டு படிக்காம போகதீங்க...

மகிந்திரா நிறுவனத்தின் புத்தம் புதிய அட்டகாசமான வெளியீடு பிளைட்ஒரு என்ற இந்த வாகனம் தான். திருப்பூரில் ஒரு விற்பனை நிலையம் திறப்பு விழா அன்று இந்த வாகனத்தை ஓட்டி பார்க்கும் வாய்ப்பு கிடைத்தது. மிகவும் நேர்த்தியான வடிவமைப்பு, smooth டிரைவிங் மற்றும் அருமையான என்ஜின் சத்தம்.

VEHICLE SUMMARY
Name:	Flyte
Type:	Scooterette
Top Speed:	80kph
ENGINE SPECIFICATIONS
Displacement:	124.6cc
Engine:	4 Stroke, Single Cylinder
Maximum Power:	8 Bhp @ 7000 rpm
Maximum Torque:	9 Nm @ 5500 rpm
Gears:	Automatic
Bore:	52.4
Stroke:	57.8
Cooling Type:	Air Cooling

OTHER SPECIFICATIONS
Weight:	105.00 kg
Ground Clearance:	135.00 mm
Fuel Tank:	5.00 ltrs
Wheelbase:	1260.00 mm
Headlamp:	35W/35W
Wheel Type:	Alloys
Wheel Size:	3.50x10 4PR - 3.50x10 4PR mm
Tubeless:
ACTIVE AND PASSIVE SAFETY
Suspension(Front):	Telescopic Fork
Suspension(Rear):	Unit Swing Arm
Brakes:	Drum, 130 mm dia
Brakes(Rear):	Drum, 130 mm dia
Stand Alarm:
COMFORT AND CONVENIENCE
Fuel Guage:	Analogue
Self Start:
Tacho Meter:	None
Trip Meter:	None
Alloys:
Speedometer:	Analogue
Passenger Footrest:
Passenger Backrest:
Step-up Seat:
Pass-light:
Low Fuel Indicator:
Low Oil Indicator:
Low Battery Indicator:
High Oil Temp. Indicator:
Choked Air Filter Indicator:

மேலே உள்ளது இதன் மொத்த அம்சங்கள். இன்னும் எளிதாக சொல்வதென்றால் 125cc என்ஜின், பெட்ரோல் நிரப்ப, சீட் திறக்க வேண்டியதில்லை, மிகவும் சிறப்பான பாதுகாப்பு அம்சங்கள் நிரந்த சாவி, அருமையான பிரேக் சிஸ்டம் மற்றும் முதுகு வலி உள்ளவர்களுக்கு, இந்த பிளைட் ஒரு வரம் என்றே சொல்லலாம்.

நான் பரிசீலித்த வரையில் லிட்டருக்கு 45 முதல் 50km கிடைக்கும் வாய்ப்புகள் தெரிந்தது. இதன் விற்பனை விலை 44,000 rs . பொதுவாக TVS, Bajaj, Hero Honda போன்ற நிறுவனங்களின் Scooty ரக மாடல்களில் இந்த மகிந்திரா பிளைட் சிறப்பாகவே உள்ளது.

மொபெட் ரகங்களில் முடிசூட மன்னராக விளங்கிய TVS நிறுவனத்திற்கு இந்த வெளியீடு மிகுந்த சவாலாகவே அமையும். புதிதாக வாகனங்கள் எடுக்க விரும்பும் நண்பர்கள் இதனை பரிசீலிக்கலாம்.

பி.கு: இப்பதிவு எந்த ஒரு விளம்பர நோக்கத்திற்காகவும் எழுதப்படவில்லை. மகிந்திரா நிறுவனத்தின் சிறப்பான வெளியீடே இப்பதிவு எழுதக்காரணம்.+

தீபஒளி திசையெங்கும் வீசட்டும்

2009-10-16T10:30:00.000+05:30

இனிப்புகள், பட்டாசுகள், புத்தாடை, நண்பர்கள், அரட்டை, சிறப்பு நிகழ்ச்சி, திரை அரங்கம் , அறுசுவை விருந்து, சரக்கு சம்பிரதாயம், என்ன படிக்கவே சும்மா அதிருதில்ல... அப்படி ஒரு மெகா பிராஸ் டிஜிட்டல் தீபாவளியாக இது அனைவருக்கும் அமைய வேண்டும்.

தீபஒளி போல் மனதிலும் நம்பிக்கை ஒளிர்ந்து இல்லத்தில் இனிமை திளைத்திட , செல்வம் செழித்திட எல்லாம் வல்ல இறைவனை வேண்டுகிறேன்.

அனைவருக்கும் இனிய தீபாவளி நல்வாழ்த்துக்கள்.

முதலீடு இல்லாத தொழில்

2009-09-28T21:56:00.005+05:30

இந்த தொழிலுக்கு முதலீடு தேவைஇல்லை. பெரிய அளவு இடவசதியோ அல்லது ஆட்களோ தேவை இல்லை. லாபம் என்று கைக்கு வரும் என ஏங்க வேண்டியதில்லை. ஆனால் மாத வருமானம் எப்படியும் ஐந்து இலக்கங்களை தாண்டும்.

லட்சங்களில் பணம் போட்டு, ஆட்கள் கிடைக்காமல், சில நேரங்களில் வேலை இல்லமால், அரசாங்க அலைச்சல், வரி என்று நொந்து நூடில்ஸ் ஆகி வருடத்திற்கு 20% அளவு வருமானம் பார்ப்பது குதிரைக்கொம்பான இந்த காலத்தில் இப்படி ஒரு தொழிலா என்று கேட்காதீர்கள்.

இப்படி ஒரு அருமையான தொழிலின் பெயர் நகை கடன். அதிகபட்ச செலவு, பெயர் பலகை மட்டுமே. இந்த தொழில் நடத்த பதிவு எண் வாங்கிய பின், ஏதாவது ஒரு கூட்டுறவு வங்கியின் மேலாளர் அல்லது பணியாளர், இல்லை என்றால் ஏதாவது ஒரு சிறிய அரசு வங்கி ஊழியர் ஒருவரை கைக்குள் வைத்துக்கொள்வது.

இனி அடகுக்கு வரும் நகைகளை வாங்கி, வாடிகையாளர்களுக்கு பணம் குடுக்க வேண்டும். பிறகு தினமும் வரும் நகைகளை எடுத்துக்கொண்டு, நேராக நம் வங்கி ஊழியர்களை அணுகி, அதே நகைகளை குறைந்த வட்டிக்கு வங்கிகளில் வைக்க வேண்டும்.

பொதுவாக தனியார் குடுப்பதை காட்டிலும், ஒரு கிராம் தங்கத்திற்கு வங்கிகள் குடுக்கும் விலை அதிகம். ஆகவே உங்களுக்கு கிடைக்கும் அடகு பணம் அதிகம். வட்டி மிகவும் குறைவு. அதே நேரத்தில் நகைகளை பாதுகாப்பாக வைக்க, வங்கிகள் பெட்டக பாதுகாப்பு வசதி , உங்கள் வரவு, செலவு வேலையை வங்கி ஊழியர் பார்த்துக்கொள்கிறார். அதற்கு சம்பளம் கூட சம்பந்தப்பட்ட வங்கிகளே பார்த்துக்கொள்கின்றன.நகைகளை திருப்பி மீட்க, வைக்க, இந்த வேலைக்கு மட்டுமே உங்களுக்கு ஆள் தேவை.

இப்படி லம்ப்பாக ஒரே ஒருவர் மூலம் வேலை முடிவதால், சிறு வாடிக்கையாளர்களை, அதே வங்கி ஊழியர்கள் பைசாவுக்கு கூட மதிப்பதில்லை. கடன் வழங்கும் நேரத்தை காட்டிலும் ஐந்து நிமிடம் தாமதமாக வந்தால் சாமானியனுக்கு கடன் இல்லை. ஆனால் அவர்களின் மதிப்பு மிக்க வட்டி கடை வாடிக்கையாளர் அரைமணி நேரம் தாமதமாக வந்தாலும் ஸ்பெஷல் கவனிப்பு உண்டு.

ஆகவே இப்படி ஒரு அருமையான முதலீடு இல்லாத, மரியாதை நிறைந்த வருமான வாய்ப்பை நாம் ஏன் தவற விட வேண்டும்??

(விடுதி அறையில் நண்பர்கள் சேர்ந்து இருந்த பொழுது, நமது நண்பர் ஒருவர் மூலம் பெறப்பட்ட தகவல் மூலமாக எழுதப்பட்ட பதிவு)

கிரிக்கெட் கலாட்டா 2009

2009-09-21T20:18:00.004+05:30

நாளை முதல் கிரிக்கெட் ஜுரம் ஸ்டார்ட்... இருபது ஓவர்போட்டிகள் வந்ததில் இருந்து, ஒரு நாள் ஆட்டம் அவ்வளவுஎடுபடவில்லை. இருந்தும் மிகுந்த எதிர்பார்ப்பை உருவாக்கி இருக்கும் இத்தொடரில் இந்திய அணி வெற்றி வாகை சூடவேண்டும்.

ICC Champions Trophy 2009 Schedule

Super Eights

22 Sep 09

South Africa

Sri Lanka

23 Sep 09

Pakistan

West Indies

24 Sep 09

South Africa

New Zealand

25 Sep 09

Sri Lanka

England

26 Sep 09

Australia

West Indies

26 Sep 09

India

Pakistan

27 Sep 09

New Zealand

Sri Lanka

27 Sep 09

South Africa

England

28 Sep 09

Australia

India

29 Sep 09

New Zealand

England

30 Sep 09

Australia

Pakistan

30 Sep 09

India

West Indies

Semifinals - Knockout Stage

02 Oct 09

03 Oct 09

தொடரை வென்று வர இந்திய சிங்கங்களுக்கு வாழ்த்துக்கள்....

நினைத்தாலே இனிக்கும்

2009-09-05T14:00:00.002+05:30

நினைக்க நினைக்க சிரிப்பு தாங்க வருது. படத்தை பார்த்துட்டு பாதியில் வந்தது எத்தனையோ முறை நடந்திருக்கு ஆனா தியேட்டருக்கு போய், படமே பார்க்காம பாதியில் ஓடிவந்தது நேத்து நடந்தது. முழுசா சொல்றேன் கேளுங்க..

ஆறுமணி காட்சிக்கு ரிசர்வேசன் செய்து, அதற்க்கு பிறகு வந்த வேலைகள் காரணமா படத்துக்கு போக கொஞ்சம் லேட் ஆகிருச்சு. (இங்க கூடவா என்று கேக்காதீங்க)...உள்ள போன உடனே பழக்க தோஷம், நம்ம அடுத்த சீட் அன்பர்கிட்ட, அண்ணே படம் போட்டு எவளோ நேரம் ஆச்சு என்று கேக்க.. எட்டு மணி நேரம் ஆச்சு என்று சொன்னார்... கேட்டது என்னோட தப்பு தான் என்று படத்தை பார்க்க ஆரம்பித்தேன். காலேஜ், பசங்க கலக்கல் ஆட்டம் என்று எப்பவும் போல போனது... சிறிது நேரத்திலே எனக்கு செல்பேசியில் அழைப்பு வர, எழுந்து வெளியே சென்றேன். சிறிது நேரம் பேசிவிட்டு மீண்டும் உள்ளே வந்தால், ஒண்ணுமே புரியலை... மீண்டும் பக்கத்து சீட் அன்பரிடம், அண்ணே கதை என்ன ஆச்சு என்று கேட்க, அவர் என்னை தம்பி, படத்துக்கு வந்தா செல் ஆப் பண்ணிடனும், இப்படி வெளிய போயிட்டு போயிட்டு வந்தா ஏதும் புரியாது. படம் நல்ல இருக்கு பாருங்க என்று ஏதேதோ கூறினார், ஆனால் கடைசீ வரை நான் கேட்டதுக்கு பதில் வரவில்லை.

பிறகு படத்தில் லயித்தேன். முதல் சண்டை காட்சி, அதன் பிறகு வந்த குத்து பாட்டு , ஸ்டிரைக் அடிச்சே ஆகணும் என்று சுத்தும் ஹீரோ குரூப், நாயகன் நாயகி காதலில் விழும் காட்சி, அதற்காகவே உருவாக்கப்பட்ட போலீஸ் தடியடி காட்சி என்று எதிலுமே சிறிது கூட அழுத்தம் இல்லாமல் ஓட்ஸ் கஞ்சி குடிப்பது போல் சென்றது.. உக்கார முடியுமா என்று நினைத்த நேரம் இடைவேளை... ஒரே ஓட்டமா வெளிய வந்து கோக் ஒன்னு வாங்கி நடந்தால் மறுபடி செல் சிணுங்கியது...

இந்த முறை கொஞ்சம் அதிகநேரம். இடைவேளை முடிந்து அனைவரும் உள்ள போய்டாங்க. நான் கோக்கையும், பேச்சையும் முடிக்கும் நேரம் எனக்கருகே அமர்ந்திருந்த அதே நபர், தியேட்டர் முன்வாசல் வழியாக உள்ளே வந்தார். எனக்கு சின்ன அதிர்ச்சி, பிறகு அவரிடம் போய், என்ன அண்ணே உங்களுக்கும் போன் வந்ததா என்று குடைந்தேன். அவ்வளவு தான் ஒருமையில் திட்ட ஆரம்பித்தார்.. என்னை அல்ல...

இவங்கெல்லாம் எதுக்கு படம் எடுக்குறாங்க. நமக்கு எவளோ பட்டாலும் திருந்த மாட்டோம். விளம்பரம் போட்டே மொக்கை ஆக்குறாங்க, என்று இங்கே பதிவிட முடியாத ஏக வசனங்கள் வந்து விழுந்தது... அவரை அமைதிப்படுத்தி சரி இந்தபக்கமா எப்படி வந்தீங்க என்று கேட்டேன். வண்டியை எடுத்து போய்டலாம் என்று பார்த்தால் எடுக்க இடைஞ்சல், அதான் சுத்திட்டு இருக்கேன் என்று சொன்னார்.. அவர் கை காட்டிய இடத்தில், இடைஞ்சல் செய்து கொண்டு நின்றது என்னோட பைக் தான்.

வாங்க அண்ணே நான் பைக் வெளிய எடுக்கறேன், ரெண்டுபேரும் போவோம் என்று சொல்ல, அவர் நல்ல வேலை தம்பி நீ படம் பார்கவே இல்ல. வா இப்படியே ஓடிடலாம் என்று அவசரமாக ஓடினார்.

நாங்க இருவரும் வண்டியை எடுத்துக்கொண்டு முன்வாசலை தாண்டவில்லை, பார்கிங் பகுதியில் ஒரே இரைச்சல். திரும்பி பார்த்தல் ஒரு பெரிய கூட்டமே வண்டியை எடுத்துக்கொண்டிருந்தது. நான் சும்மா இல்லாம திரும்பி அவர்களிடம், என்னங்க அதுக்குள்ளே படம் முடிஞ்சதா என்று கேட்க அனைவரும் என்னை பார்த்து உர்ர்ர்ர்ர்ர்ர்ர்ர்.. இதற்கு மேல் இங்கு நின்றால் நமக்கு ஆபத்து என்று நான் வண்டியை எடுத்து விர்ர்ர்ர்ர்ர்ர்ர்ர்...

கொசுறு: இந்த முறை கேபிள் சங்கர் அண்ணன், இந்த படத்தை பற்றி தமது விமர்சனத்தில் காரத்தை குறைத்து விட்டார். அது தான் ஏன் என்று புரியவில்லை.

விலைவாசி விண்ணையும் தாண்டும்

2009-09-04T22:14:00.003+05:30

ஒரு சில செய்திகளின் மூலமாக நான் அடைந்த அதிர்ச்சி தகவலை இங்கு உங்களுடன் பகிர்ந்துகொள்கிறேன். ஒரு சில வாரங்களுக்கு முன்னாள், பருவமழை பொய்துப்போகும் என்று அறிவிப்பு வந்தவுடன், சர்க்கரையை தினமும் பார்த்து வாருங்கள், அல்லது வாங்கி வையுங்கள் என்று சில நண்பர்கள் கூறினர். அப்பொழுது ஒரு கிலோ சர்க்கரை விலை 22 ருபாய். அந்த சமயம் எனக்கு தெரிவிக்கப்பட்ட விலை 30 ரூபாயை தாண்டும் என்பதே..

ஆனால் இப்பொழுது அதற்க்கு மேல் விலை ஏறியுள்ளது. பிறகு இதனை பற்றி விசாரித்ததில் எனக்கு கிடைத்த தகவல் மிகவும் அதிர்ச்சியை தந்தது.. அதாவது கூடிய விரைவில் சர்க்கரை விலை ருபாய் 50 தொடும் என்றும், அதனுடன் தங்க விலை இந்த ஆண்டு இறுதிக்குள் 15000/8 gram வந்துவிடும். மேலும் கச்சா என்னை அடுத்த விலையேற்றத்துக்கு தயாராகி உள்ளது.. ஆகவே மீண்டும் பெட்ரோல், டீசல் விலை ஏற்றம் இருக்கும் என்பதே...

இப்பொழுதுதானே உலக பொருளாதார சீரழிவு கொஞ்சம் நிலைபெற்றுள்ளது. இனி நிலைமை சீரடைந்து விடும் என்று நினைத்தவேளையில், அமெரிக்காவில் இருந்து உருவான சிதைவு நிலைபெற்றுள்ளது. இனி ஆசிய நாடுகளில் பொருளாதார சிதைவு ஒன்று உருவாகும் என்று விவரம் தெரிந்த சிலர் சொல்கிறார்கள்.

ஏறிய விலை எதுவுமே இறங்கவில்லை... 3 ருபாய் இருந்த டீ விலை இன்று 5 ருபாய். கொள்முதல் விலை ஏறியதால், பால் மற்றும் பால் பொருட்களின் சில்லறை விற்ப்பனை விலை ஏறியுள்ளது. (இன்று லிட்டர் 26 ருபாய், விரைவில் 30 தாண்டுமாம்). அதுமட்டும் அல்ல, அரசாங்கம் அறிவித்துள்ள INFRA DEVELOPMENT FUND மூலம் உருவாகும் டிமாண்டினை கருத்தில் கொண்டு ஒரு சில நிறுவனங்கள் இரும்பு விலையை ஏற்றியுள்ளது.

பல நிறுவனங்கள் ஆட்குறைப்பு வேலையை அல்லது சம்பள குறைப்பு வேலையை சத்தமில்லாமல் செய்துகொண்டு தான் இருக்கின்றனர்.

நிலைமை இவ்வாறு சென்றால், இன்னும் ஒரு வருடத்தில் இந்திய பொருளாதார நிலைமை எங்கு செல்லும் என்று என்னால் துளி கூட சிந்தித்து பார்க்க முடியவில்லை...

நண்பர்களே இதனை பற்றி மறக்காமல் உங்களது கருத்துக்களை பகிர்ந்துகொள்ளவும்.

சுத்தமாக பறிபோன சுதந்திரம்

2009-08-15T22:37:00.002+05:30

பொதுவாக சனி மற்றும் ஞாயிறுகளில் ஊர் சுற்றுவது ஒன்றே தலையாய கடமையாய் கொண்டு வாழ்த்து வரும் கூட்டம் எங்கள் நண்பர்கள் கூட்டம். இன்றும் அவ்வாறே நினைத்து, ஊட்டி அல்லது டாப் ஹில் என்று ஆசையுடன் விடிந்தது...

அதிகாலையிலேயே அம்மாவின் குரல், தம்பி இன்னைக்கு உனக்கு புடிச்ச கேசரி செய்யறேன். வேற எதுவும் வேணுமா என்று... ஒரு நிமிடம் திகைத்து இல்ல அம்மா வேற ஒன்னும் வேண்டாம் என்று சொல்லி விட்டு, நண்பனின் அலைபேசிக்கு செய்தி அனுப்பினால்.. msg not sent. ஒரு வேலை நாம தான் சீக்கிரமா எழுந்துட்டோமா என்று வெளியே வந்து பார்த்தால் சூரியன் உச்சி வானில்.( அது தாங்க நமக்கு அதிகாலை)

பிறகு வேறு ஒரு நண்பனுக்கு அழைத்தால், மாப்ள இன்னைக்கு ஒரு முக்கியமான வேலை இருக்கு, அநேகமா இன்னைக்கு என்னால வர முடியுமா என்று தெரியலை, என்றான். சரி பொக்கிஷம் போவோம் என்று நினைத்து நம்ம சங்கர் அண்ணா பதிவை பார்த்தால், கூடவே லக்கி வேற போட்டு தாக்கிருந்தார். இதுக்கு மேல ரிஸ்க் எடுக்க தயாரா இல்லை.

அப்புறமா அம்மா கிட்ட வந்து மேட்டர் சொன்னேன். அப்போ அவங்க, நல்லதா போச்சு!! எங்க நீ வெளிய போயடுவியோ என்று நினச்சு பயந்தேன். வேண்டாம் ராசா அந்த காச்சல் கோயம்புத்தூர் வரை வந்திருச்சாம். இங்க வர எவளோ நேரம் ஆகும். அதனால இனி ஒரு வாரத்துக்கு எங்கேயும் போக கூடாது என்று சொல்ல, அம்மா அது என்ன சேரன் எக்ஸ்பிரஸ்ல ஏறி வருதா என்று நான் சொல்ல... ஹ்ம்ம் அது அவர்கள் காதுக்கு போகவே இல்லை.

சரி வேற வழி இல்லை என்று நினைத்துக்கொண்டு படம் படம், (வேற எங்க டிவி ல தான்) உக்காந்தாச்சு. ஒன்னு மட்டும் தெரிஞ்சுதுங்க இப்போ வர்ற விளம்பரம் எல்லாம் மிகவும் அருமை ): .

ரொம்ப நாள் ஆச்சு பொதிகை பக்கம் போய் என்று போனால், நம்ம தாமோதரன் நேரலை. சமையல் டிப்ஸ். ரொம்ப அருமையா இருந்தது. அதிலும் ஒரு சில கணவர்கள் நிகழ்ச்சிக்கு அழைத்து, என் பொண்டாட்டியை மோர் குழம்பு வைக்க சொன்னா ரசம் வச்சு இது தான் மோர் குழம்பு என்று சொல்றாங்க, என்றார். வேறு ஒரு பெண் அழைத்து, சார் பச்ச மிளகாய் ஹல்வா செஞ்சேன் எல்லாம் ஓகே. ஆனா கொஞ்சம் காரமா இருந்தது என்று அப்பாவியாய் சொன்னார். மிகவும் அருமையாய் இருந்தது.

நாளும் ஓடியது. ஆனால் ஒரு சிறிய வருத்தம், இந்த பன்றிக்கைச்சளுக்கு நமது மீடியா காட்டிய வீரியம் இப்பொழுது மக்கள் மனதில். சிறிய காய்ச்சல் என்றாலும் அந்த நபரை எதுவோ எமனை காண்பது போல் பார்கிறார்கள். இது எங்க போய் முடியுமோ...

எது எப்படியோ, இன்று வீட்டில் இருந்தது கூட நல்லதா அமஞ்சதுங்கோ. என்ன கேட்டாலும் கிடச்சுது. கேசரில ஆரம்பிச்சு வடை, பாயாசம் வரை போய் இன்னும் தொடர்ந்து கொண்டிருக்கிறது...

வாழ்க சுதந்திர தினம்...

புழுதிக்காடு

2009-08-06T22:05:00.005+05:30

பதவி என்ற மந்திர பிடியில்
மனிதாபிமானம் சிக்கியது

பணம் என்ற காலனின் கையில்
பாசம் சிக்கியது

உறவுகள் என்ற அசுரனின் வலையில்
உணர்வுகள் சிக்கியது.

உதட்டுக்கு சாயம் போட்டு
உள்ளுக்குள் அழுக்கை வைத்து

உறவாடிக்கெடுக்கும் மாக்களின் கூட்டம்
உருவாக்கிய புழுதி,

விலகுவது எப்போது? காடு, நாடாவது எப்போது?

பதிவுலக விபச்சாரம்

2009-08-02T11:30:00.002+05:30

அது எப்படிடா என்னை பார்த்து அந்த கேள்வியை கேட்ட? என்று கவுண்டமணி, செந்தில் காமெடி போல ஆகி விட்டது. ஒரு முறை கேள்வி கேட்ட செந்திலை பலமுறை அடித்து, அப்படி எதை தன் கேட்டிருப்பாரோ என்று நமக்கும் ஆர்வத்தை தூண்டுவது போல், தவறை சுட்டிக்காட்டுகிறேன் பேர்வழி என்று சுமாராக போன மேட்டரை, நோண்டி நொங்கெடுத்து, கிண்டி கிழங்கெடுத்து தமது புஜபலத்தை நிரூபித்துள்ளது, வீனா போனதை செய்யும் வெட்டி கூட்டம்.

நான் எதை பற்றி குறிப்பிடுகிறேன் என்று படிக்கும் உங்களுக்கு தெரிந்திருக்கும். தெரியாதவர்களுக்கு அதே குமுதம் ரிப்போர்டர் தொடர் தான். விவாதம் செய்யுங்கள் என்று சொல்லி தங்கள் தரப்பு ஜால்ராக்களை அனுமதித்து களியாட்டம் போட்டுள்ளார்கள். எதிர் கருத்து பேசினால் "மொள்ளமாரி, வெளங்காதவன் , கிறுக்கன் " என்ற பட்டங்கள் குடுக்கப்படும் என்று பயந்து நடுநிலையாளர்கள் எவரும் அங்கு போய் கருத்துக்கள் இடுவதில்லை.

இருந்தும் ஒரு குறிப்பிட்ட வாசகர்கள் வட்டத்துக்குள் இருந்த தொடரை, இணையம் மூலம் மெகா தொடர் ஆக்கிவிட்டார்கள். பொட்டாசியம், கால்சியம் என்று நடைமுறைக்கு உதவாத இசங்களை வைத்துக்கொண்டு நீங்கள் போடும் ஆட்டங்கள் சகிக்கவில்லை.

இதே தமிழ் வலையுலகில், தமிழ் கதைகள் என்ற பெயரில் Chat Box கொண்டு ஆபாசங்களை மட்டுமே அள்ளி தெளிக்கும் (காமக்கதைகளுடன்) வலைபூவினை தட்டி கேட்க்கலாம். இருபத்து நான்கு மணி நேரமும் அங்கு குழுமியிருக்கும் மக்கள் கூட்டங்களுக்கு தவறை உணர்த்துங்கள்.

அதை விடுத்து, யாரோ ஒரு கூட்டத்தின் மேல் உள்ள கோபத்தை, லக்கியின் எழுத்தை கொண்டு தீர்த்துக்கொள்ள எண்ணி, பெண்மை கலாச்சாரம் இவற்றை காப்பாற்றுகிறேன் என்று விபச்சாரத்தை விதைத்திருக்கும் வினவுக்கு என் எதிர்ப்பினை தெரிவித்துக்கொள்கிறேன்.

இரவுகள் தரும் வெளிச்சம்

2009-07-26T22:47:00.003+05:30

ஒலிகள் தரும் இரைச்சலில்
ஒளியின் அதீத வேகத்தில்

உழைப்புகள் தரும் சோர்வில்
உறவுகளின் பாசப்பினைப்புகளில்

எதிபார்ப்புகளில் ஏற்படும் ஏமாற்றங்களில்
வாழ்வின் அழகான தேடல்களில் - வழிகாட்டியாய்

என்றென்றும் துணைநிற்கும்

இரவுகள் தரும் வெளிச்சம்.

கலக்கல் பட்ஜெட் 2009

2009-07-01T19:30:00.003+05:30

உலகத்தில் எங்கேயும் நடக்காத கூத்து நம்ம நாட்டில் நடந்துகொண்டிருக்கிறது.... பெரும்பான்மை எதுக்குதான் கிடச்சுதோ என்று காங்கிரஸ் கட்சிக்காரர்களே புலம்பும் நிலைக்கு வந்துவிட்டனர், காரணம் பட்ஜெட்.

செங்குத்தாக ஏற்ப்படும் வீழ்ச்சியை பார்த்திருக்கிறோம் ஆனால் நேர்கோட்டில் எழும் உயர்வை இதுவரை கண்டதில்லை.. அப்படியான ஒரு பொருளாதார சீர்திருத்த நடவடிக்கையை, ஒரே நிதிநிலை அறிக்கை மூலமாக கிடைக்கபோகிறது என்று ஒரு மாய தோற்றம் இப்பொழுது உருவாகி உள்ளது... இதற்கு முழு கரணம் மீடியா.

இந்தியா, பாகிஸ்தான் இடையே நடைபெறும் உலகக்கோப்பை இறுதி போட்டியை போல் சகட்டுமேனிக்கு விளம்பரம் போட்டு காட்டுகிறார்கள். இப்பொழுது அதையே விஞ்சிவிடும் அளவுக்கு உள்ளது. மும்பை தீவிரவாத நிகழ்வை கூட நேரடித்து, விளம்பரம் மூலம் வருமானம் பார்த்த இவர்களுக்கு இது சாதாரணமே. ஆனால் அப்படி உருவான எதிபார்ப்பு முழுமையாக பூர்த்தியடையுமா?

Will this be a dream budget ever? நிச்சயமாக இது மறக்க முடியாத பட்ஜெட்டாக அமையும். எத்தனை நாள் தான் மூடி மறைப்பது. இன்னும் நான்கு நாட்களில் உண்மை தெரியவரும். எந்த வருடத்திலும் இல்லாத அளவு, வரவு மற்றும் செலவுக்கான இடைவெளி இந்த முறை அதிகரிக்கும். அதனை சமாளிக்க, பொதுத்துறை நிறுவனங்களில் உள்ள அரசாங்க முதலீட்டை குறைத்து வருகிறது.

இலவசங்கள், மற்றும் அதிகப்படியான மானியங்கள், அதீத முதலீடுகள் இவற்றை எதிர்பார்த்து காத்திருக்கும் ஒரு கூட்டம், இந்த புள்ளியை வைத்து கோலம் போட்டுக்கொண்டிருக்கும் மீடியா கூட்டம். அனால் இங்கு சிந்திக்க வேண்டிய விஷயம் என்னவென்றால், இவை அனைத்தும் ஒரே நாளில் நிறைவேறுமா?

எல்லாம் நன்மைக்கே என்று எடுத்துக்கொண்டதை போல், நில்லாமல் உயரும் பங்குச்சந்தை. அதில் ஒரு சிலருக்கு கிடைத்த அதீத லாபத்தை பார்த்து, தமது கையில் இருக்கும் சேமிப்பை கூட அவசர கதியில் பங்குகளாக மாற்றும் மக்கள்.

பொருளாராத வளர்ச்சியை காட்டும் GDP இன்று வரை இறங்குமுகத்திலேயே உள்ளது. ஏற்றுமதி மற்றும் விவசாய வளர்ச்சி அதல பாதாளத்தில். இது இப்படி இருக்க உலக பொருளாதார சீரழிவு இந்தியாவை பாதிக்காது என்று கூறும் நிதியமைச்சர் ஒரு புறம், நிறுவனத்தின் வளர்ச்சியை கருத்தில் கொண்டு ஆட்குறைப்பு நடவடிக்கையில் இறங்கும் டாட்டா குழுமம். முதலீடுக்கு தேவையான நிதியை திரட்ட QIP அஸ்திரத்தை கையில் எடுத்துள்ள நிறுவனங்கள் பல.

இனி சிந்திக்கவேண்டியது நீங்கள் தான். வீடு மற்றும் நிலத்தின் விலை அடுத்த நிதியாண்டில் மேலும் 15% சதவிகிதம் வீழ்ச்சியடையும் வாய்புகள் உள்ளது. பங்குசந்தையிலும் முதலீடு செய்ய இது சரியான தருணமும் அல்ல. பன்னாட்டு நிறுவனங்களில் பணிபுரிவோர் மிகவும் கவனமாக இருக்கவேண்டிய தருணம் இது. தங்கத்தின் விலையில் என்றும் ஒரு பார்வை இருக்காட்டும்.

மேலும் தினசரி வணிகம் தொடர்பாக Market Calls (இணைப்பு) என்ற ஆங்கில வலைப்பூவை பதிவிட்டு வருகிறேன். தின வணிகம் செய்வோருக்கு இது சிறிதளவாவது பயன் தரும். பார்த்துவிட்டு உங்கள் மேலான கருத்துக்களை பதிவிடுங்கள்.

அன்புடன்...
சிம்பா.

நாடோடிகள்

2009-06-26T22:21:00.005+05:30

எதார்த்தம் என்றால் என்ன என்பதனை உணர்த்தும் மற்றும் ஒரு சிறப்பான படைப்பு. மிகுந்த எதிர்பார்ப்புடன் சென்று, முழு திருப்தியுடன் திரும்பினேன்..நட்பு என்ற கடவுளின் தலையில், வைரங்கள் பதித்த கிரீடம் இந்த நாடோடிகள்....

ஓடிய வேகத்தில் நமது மனதையும் கடத்திக்கொண்டு செல்லும் வல்லவர்கள். சமுத்திரகனியின் இயக்கம் மிகவும் அருமை.. டைரக்டர் சசி, தனக்கு நடிக்க மட்டும் அல்ல நடனம் ஆடவும் தெரியும் என்று காட்டியுள்ளார்...

இன்று முதல் நாள் என்பதால் விரிவாக எழுதவில்லை... அல்லது இப்படிபட்ட ஒரு திரைப்படத்தை விவரிக்க என்னிடம் வார்த்தைகள் இல்லை... ஒவ்வொருவரும் பார்த்து அனுபவிக்க வேண்டிய படம்... சூரிய தொலைகாட்சி இத்திரைப்படத்தை வழங்கவில்லை என்ற ஒரு காரணம் போதும், இப்படம் வெள்ளிவிழா காண...

இப்பதிவு நாடோடிகள் குழுவினரை சென்றடையுமா என்று தெரியவில்லை... இருந்தாலும் அவர்களுக்கு என் மனமார்ந்த வாழ்த்துக்கள்....

லக்கி லூக்கின் இன்னொரு முகம்.

2009-06-17T20:40:00.003+05:30

பதிவின் தலைப்பை படித்துவிட்டு, ஆசையோடு என்னை திட்ட வந்த அன்பு உள்ளங்களுக்கு என் முதல் வணக்கம். என்ன செய்ய, பதிவு பக்கம் வந்து ரொம்ப நாள் ஆச்சு. இப்படி எதுனா டுமீல் தலைப்பு வச்சா தான் உங்களை எல்லாம் உள்ள இழுக்க முடியும். ஆனா கண்டிப்பா தலைப்புக்கும், பதிவுக்கும் சம்பந்தம் இருக்குங்கோ.

என்ன ஆரம்பமே தலைய பிக்குதா... வந்தும் வந்தீங்க அப்படியே பொறுமையா பதிவ படிங்க... கண்டிப்பா புரியும்....

மேல உள்ள படத்தில் இருக்கும் சிங்கம் தான் எங்கள் அஞ்சா நெஞ்சன் Mr. லக்கி லூக். மோரிஸ் என்பவரால் உருவாக்கப்பட்ட ஒரு காமிக்ஸ் கதாபாத்திரம். சிறியவர்கள் முதல் பெரியவர்கள் வரை அனைவரையும் கவர்ந்தவர். யாருப்பா அது, இங்க பதிவுலகில் கூட அப்படி அல்லாரோட மனச கவர்ந்தவர் இருக்கார்னு புதிர் போடறது. அவரு யாருன்னு புதுசா பதிவு எழுத வந்த ஆளுங்களை கேட்டா கூட தெரியுமே..

சரி மேட்டருக்கு வருவோம். பொதுவா லக்கி காமிக்ஸ் ஜிலுஜிலுன்னு கலர் கலர் ஆ கண்ணை பறிக்கிற மாதிரி வரும். அப்போஎல்லாம் ஒரு ஆசை, இதயே அனிமேஷன் செஞ்சு சின்ன திரைல போட்டா நல்லா இருக்குமேன்னு. இதுக்கு முன்ன நம்ம கண்ணுக்கு அப்படி ஒரு தொடர் வந்த மாதிரி தெரியலை. ஆனா இப்போ புடிச்சுடோமே.

ஆமாங்க சுட்டி சேனல்ல தினமும் ஏதாவது ஒரு நேரத்துல சிக்கிடுராறு. இரவு பத்து மணிக்கு மேல பாருங்க... காமிக்ஸ்ல படிக்கிற அளவு சுவாரசியமா இல்லனாகூட ஓரளவுக்கு இருக்குங்க. அதே டால்ட்டன் வில்லனுங்க.. ஒரே மாதிரி குதிரை.. இங்க கூட லக்கி தம்மு அடிக்கலை. ஆனா எதோ ஒன்னு குறைஞ்ச மாதிரி இருக்கு. தனிமையே என் வாழ்க்கை, தனிமையே என் துணைவன் என்ற அருமையான பாட்டு கூட மிஸ்ஸிங்.

என்னை போன்ற காமிக்ஸ் வெறியர்களுக்கு இது சோளப்பொறி தான். ஒரு கொசுறு செய்தி. செட்ரிக் என்ற ஒரு நிகழ்ச்சி கூட வருது. எட்டு வயசு பையனோட வாழ்க்கைல தான் எம்புட்டு சிக்கல்.

அழுவாச்சி நிகழ்ச்சிகளை பார்த்து போரடிக்கும் அன்பர்களுக்கு, இது ஒரு மாறுதல்.

அப்பாட... வந்த வேலை நல்லபடியா முடிஞ்சது... மண்டை காஞ்சு திட்டணும்னு தோணுதா.. தாரளமா. அனைத்தும் அப்படியே பப்ளிஷ் செய்யப்படும்...

வரட்டுமா....

என்றும் அன்புடன்..

சிம்பா....

தாய்----அன்பு

2009-05-05T19:57:00.005+05:30

மிக நீண்ட நாள் கனவு எனது இந்த பதிவு... மனதில் ஊற்றெடுக்கும் ஒரு சில அடக்கமுடியாத எண்ணங்களின் வெளிப்பாடு... அன்னை, தாய், பெற்றெடுத்த தெய்வம் என்று பல வடிவங்களில் போற்றி புகழ்ந்தாலும் நானும் ஒரு தாய்க்கு மகனே. என்னிடமும் இருக்கு எனக்கான விஷயங்கள் என்னை பெற்றவளை பற்றி சொல்ல...

கூடிய விரைவில் அன்னையர் தினம் கொண்டாட போறாங்க. ஆனா அதுவை காத்திருக்க முடியாமல்.... ஆமா வருடத்தில் ஒரு நாள் மட்டும் தான் அன்னையருக்கான தினமா... ஆயிரம் ஆயிரம் எண்ணங்களை மனதில் கொண்டிருந்தாலும், அனைத்தையும் தவிர்த்து, தனது குடும்பத்திற்காக ஒரு வாழ்க்கை.... கடைசீ காலம் வரை... பிள்ளைகளை பெற்றெடுத்து, வளர்த்து, தமது பிள்ளைகள் எவ்வளவு பெரியவர்களானாலும் அதே பாசம். என்றும் மாறாத பாசம்.

தான் உண்ணும் முன் தமது பிள்ளைகளுக்கு உணவளித்து, அவங்களுக்கு பிடிச்சிருந்ததா இல்லையா என்ற எண்ணத்துடன் அரைவயிறு, கால் வயிறு உண்ணும் அன்னை....

உதிரத்தை குடுத்து உயிர் குடுத்தவள் பின்பு அதே உயிரை காக்கும் காவல் தெய்வமாக உருவெடுக்கிறாள். ஆனால் நாமோ நடமாடும் தெய்வத்தை அருகில் வெய்த்துக்கொண்டு கோவில் கோவிலாக அலைகிறோம்.

எத்தனை துயரங்கள் வந்து மனதை ஆட்க்கொண்டாலும் நம் தாயின் மடி மீது சில நிமிடங்கள் தலைவைத்து தூங்கினால்.... அந்த ஒரு சில நிமிடங்கள் மீண்டும் குழந்தையாய்... ஆயிரம் ஆயிரம் துன்பங்கள் வந்தாலும் அதனை தாங்கிக்கொள்ளும் மனவலிமையை அது தரும்.

தங்க தட்டில் உணவருந்தினாலும் கிடைக்காத சுகம், அன்போடு நமது அன்னை ஊட்டிவிடும் அந்த ஒரு கை உணவில் கிடைக்கும். காலை நேரத்தில் அன்னையிடம் அர்ச்சனை வாங்கிக்கொண்டு, படுக்கையிலேயே அமர்ந்து பருகும் காபியில் இருக்கும் சுவை எத்தனை கடைகளில் ஏறினாலும் கிடைக்காது.

என்முன்னும் கடவுள் தோன்றி எனக்கு ஏதாவது வரம் வேண்டுமா என்று கேட்டால், என் அன்னைக்கு நான் அன்னையாக வேண்டும் என்பதனை மட்டுமே கேட்பேன்.

கலாச்சாரங்கள் மாறுகிறது, காலமும் மாறுகிறது.. ஆனாலும் நாளுக்கு நாள் பெருகி வரும் முதியோர் இல்லங்களை பார்க்கும்பொழுது தான் மனது வலிக்கிறது.

வருகின்ற அன்னையர் தினத்துக்கு, இந்த பதிவை அனைத்து தாய்க்கும், வருங்காலத்தில் அன்னையாக போகின்ற அனைவருக்கும் பரிவோடு சமர்ப்பிக்கிறேன்.

சிம்பா...

நெருப்பில்லாம புகையுமா??

2009-04-27T20:25:00.004+05:30

வர வர தேர்தல் செய்திகளை சேகரித்து வருவதில் நம்ம ஜூ . வி கழுகார் சும்மா பின்னி பெடலெடுக்கிறார்.. முதல் நாள் இரவு படித்த தலைப்பு மறுநாள் தலைப்புசெய்திகளில்... முக்கியமாக நான் குறிப்பிட வந்தது இதுதான்.... சென்ற இருவாரங்களாக ஜூ.வீ யில் விடுதலைப்புலிகளை பற்றி வரும் செய்திகளை எத்தனை நண்பர்கள் படித்திருப்பார்கள் என்று தெரியவில்லை...

முக்கியமாக இந்த ஈழப்போராட்டத்தில் எப்படி அரசியல் கலந்தது என்றும், ஐநா சபை முதல் அமெரிக்கா வரை இந்த மானப்போராட்டம் எப்படி இலங்கை அரசால் மாற்றப்பட்டு வருகிறது என்றும் தெள்ளத்தெளிவாக குறிப்பிட்டுள்ளனர்..

கண்டிப்பாக தமிழ் உணர்வு உள்ள அனைவரும் படிக்க வேண்டிய ஒன்று. வேற ஒன்னும் இல்லீங்க, தமிழ் தலைவர் ஒருவரின் போராட்டத்தை குறிப்பிட்டு , இன்னைக்கு பலபேருக்கு பேதி ஆகிருக்கு என்று வலையுலக மூத்த பதிவர் ஒரு கட்டுரையை பதிவிட்டிருந்தார்...

முக்கியமா அவர் இந்த வார ஜூ.வி யை படித்தால் ஒரு சில உண்மைகள் விளங்கும்...

இதை விட பல கொடுரங்கள் எதிர் காலத்தில் ஈழத்தில் நடை பெரும்...

2009-04-24T18:26:00.004+05:30

தயவு செய்து இளகிய மனம் படைத்தவர்கள் மேற்க்கொண்டு இப்பதிவினை காண வேண்டாம்.....

என்று தணியும் இந்த இரத்த வெறி...... இதற்கு இவ்வகையான பதிவுகளோ,ஆறுதல் வார்த்தைகளோ, கோசங்களோ விடிவை ஏற்படுத்துமா???

உள்ளூர் கிரிக்கெட்

2009-04-21T17:43:00.004+05:30

ஒவ்வொரு நாளும் IPL தொடர் சூடேறி வருகிறது. இந்நிலையில் உள்ளூரில் ஒரு மைதானத்தின் பக்கம் நண்பருடன் சென்றிருந்தேன். அங்கு கிரிக்கெட் விளையாடிய குழந்தைகளை பார்த்தவுடன் என் மனது பத்து வருடங்கள் பின்னோக்கி ஓடியது.

இப்படி தான் ஒவ்வொரு நாளும் விடுமுறை நாட்க்களில் மைதானங்களை சுற்றி வரும் பழக்கம். சூரியன் உச்சியில் வந்து எச்சி துப்பும் வரை கலையாத தூக்கம், கிரிக்கெட் என்றால் முதல் நாள் இரவில் இருந்து தூக்கமே வராது. எப்படியாவது காலையில் ஐந்து மணிக்கே எழுந்து, மைதானத்துக்கு ஓடி, இடம் பிடித்து.... என்று அன்றைய தினமே நாங்கெல்லாம் ரொம்ப பிஸி.....

பசங்க விளையாட போறாங்க, ஆகையால் ஒரு சில பெற்றோர்கள் வீட்டில் இருந்து வரும் லெமன் ஜூஸ் ... பிஸ்கட் .... என்று நம்ம பொழப்புக்கு கூட குடை பிடிக்குற அளவு இவ்வளவு அப்பாவியா இருக்காங்களே என்று நினைத்து, உள்ளுக்குள் சிரித்து....

ஒவ்வொரு மைதானத்திலும் எப்படியும் நாலு அல்லது ஐந்து டீம் ... அனைத்தும் மொத்தமாக விளையாடும் பொழுது, யாரோட டீம்ல யாரு இருகாங்க என்றே தெரியாமல்(பாவம் பேட்ஸ்மேன்) விளையாடி.... நமக்கு சீனியர் அங்கு விளையாட வந்தால் அவர்களுக்கு பெருந்தன்மையாக வழி விட்டு (அடிச்சு விரட்டுவாங்க) பின் அவர்கள் விளையாடி முடிக்கும் வரை காத்திருந்து, எப்படியாவது ஒரு ஆட்டத்தையாவது தொடங்கி விடுவோம்.

அதுவும் பாதியிலேயே நின்று விடும். டேய் இவன் ஒன் சைடு அம்பையர் டா... இது ரன் அவுட்டே இல்ல... என்று எவ்வளவோ போராடி ஒரு முழு நாளை முடிப்பதற்குள்......

ஆனாலும் தெம்பா சொல்வோம்ல எங்க டீம் தான் ஜெயிச்சது... அதில் நான் தான் மேன் ஆப் த மேட்ச்.... என்று....

அந்த சிறுவர்களை விட்டு விலக மனமில்லாமல் எழுந்த பொழுது ஒரு சுட்டி அருகில் வந்து அண்ணே... கொஞ்ச நேரத்துல முடிச்சுடுவோம். அப்புறமா நீங்க விளையாடுங்க என்று சொன்னதை கேட்டு.....ஹி ஹி....

சிம்பா...

உதவிக்கு அழைக்கிறேன்....

2009-04-03T00:47:00.009+05:30

அன்பு நண்பர்கள் அனைவருக்கும் எனது சிரம் தாழ்ந்த வணக்கம்.

வலைப்பதிவு எனும் மாபெரும் ஊடகத்தை பொழுதுபோக்கு அம்சங்களுக்கு மட்டும் பயன்படுத்தாலாம் ஒரு உபயோகமான தகவல்கருவியாய் பயன்படுத்தவேன்டும் என்பது எனது தனிப்பட்ட ஆசை... அதன் வெளிப்பாடே எனது முந்தைய பதிவுகள்... இதனை இன்னும் பயனுள்ளதாக்க எண்ணி நண்பர்களுடன் சேர்ந்து விவாதித்ததில் கிடைத்த ஒரு சிறிய யோசனை "உதவிக்கரம்".

ஒவ்வொரு வருடமும் நன்றாக படிக்கும் மாணவர்கள் பலர் மேல்படிப்பை தொடர வழியில்லாமல், வேளைக்கு செல்வது, வாங்கிய மதிப்பெண்களுக்கு சற்றும் தொடர்பில்லாத படிப்பை படிப்பது என்று இருக்கின்றனர்.

சமீபத்தில் தினமலரில் ஒரு மாணவனை பற்றி, இரண்டாம் ஆண்டு படிப்பை தொடர வழி இல்லாமல் இருப்பது பற்றியும் செய்தி வெளியானது. அதன் பலனாக அந்த மாணவனுக்கு கல்விக்கடன் வழங்க மறுத்த வங்கி மீண்டும் தானே முன்வந்து கடன் வழங்கியதும், எண்ணற்ற அன்பு உள்ளங்கள் உதவிக்கு முன்வந்ததும், உதவியதும் நினைவிருக்கலாம்.

அதனையே முன்மாதிரியாக கொண்டு நாமும் நம்மாலான உதவிகளை செய்ய எண்ணியுள்ளோம். அதாவது தமிழ்நாட்டில் எந்த ஊரில் இருந்தும் அவ்வாறு உதவி தேவைப்படும் மாணவர்களின் நிலையை பதிவு மூலம் வெளிப்படுத்த எண்ணியுள்ளேன். அதன் மூலம் நண்பர்களாகிய நீங்கள் உங்களாலான உதவிகளை நேரடியாக அந்த மாணவர்களுக்கும் செய்யலாம்.

இம்மாதிரி, சக பதிவர்கள் ஏதாவது செய்திகள் கிடைத்தால் அதனை எனக்கு மின்னஞ்சல் செய்யலாம். அல்லது பதிவாக இடலாம்.

எழுத்தறிவித்தவன் இறைவன் ஆவான். அவ்வாறான ஒரு புண்ணிய காரியத்துக்கு வாழும் தெய்வங்களாகிய உங்களை அழைக்கிறேன்.

இதனை பற்றி உங்கள் மேலான கருத்துக்களை மற்றும், ஆலோசனைகளை பின்னூட்டமாக இடும்படி பணிவுடன் வேண்டுகிறேன்.

நன்றியுடன்

சிம்பா...

பதினெட்டு வயதுக்கு மேலே உள்ளவங்களுக்கு மட்டும்.

2009-04-01T00:44:00.006+05:30

ஆரம்பத்துலையே சொல்லியாச்சு...இந்த பதிவு பதினெட்டு வயது அல்லது அதற்கு மேலே உள்ளவங்களுக்கு மட்டுமே.... அப்படியிருந்தும் படிச்சே தீருவேன் என்று அடம்பிடிச்சா விளைவுகளுக்கு நான் பொறுப்பு அல்ல...

!!!

!!!!

!!!!!

!!!!!!

!!!!!!!

!!!!!!!!

!!!!!!!!!

!!!!!!!!!!

!!!!!!!!!!!

!!!!!!!!!!!!

!!!!!!!!!!!!!

!!!!!!!!!!!!

!!!!!!!!!!!

!!!!!!!!!!

!!!!!!!!!

!!!!!!!!

!!!!!!!

!!!!!!

!!!!!

!!!!

!!!

சீக்கிரமே தேர்தல் வருது.. ஆகையால் அனைவரும் தவறாமல், சிந்தாமல், சிதறாமல் உங்கள் ஜனநாயக கடமையான ஒட்டு போடுவதை மறக்காம செஞ்சிடுங்க...

ஆரம்பத்திலேயே சொல்லியாச்சு... இப்போ என் மேல கோபப்பட்டா அதுக்கு நான் பொறுப்பு இல்லை...

சிம்பா..

மனித உருவில் நடமாடும் மிருகங்கள்..

2009-03-28T20:25:00.003+05:30

இது இன்று நேற்று உருவான பிரச்சனை இல்லை.... பல ஆண்டுகளாக இலை மறைவு, காய் மறைவாக நடந்து வந்தது இன்று வெளிப்படையாக நடக்க ஆரம்பித்துள்ளது... இரண்டு நாட்க்களுக்கு முன் எங்களது திருப்பூரில் வெடித்த பிரச்சனையின் தாக்கமே இக்கட்டுரை...

ஊழல், கொலை, கொள்ளை போன்றவைகளை காட்டிலும் கொடியது இந்த உணவுக்கலப்படம்.... குழந்தைக்கான பால், மருந்து, உணவு, என்று எதில் பார்த்தாலும் கலப்படம்.

பணம் ஈட்ட எவ்வளவோ வழிகள் இருந்தும் இத்தகைய மனிதாபிமானம் இல்லாத செயலை எதற்காக தான் செய்கிறார்களோ. பொதுவாக போட்டிகள் அதிகமாகும் சூழ்நிலையில், அல்லது பணம் ஈட்டவே வழியில்லாத சூழ்நிலையில் இத்தகைய கொடிய செயலை சிலர் கையில் எடுக்கின்றனர்...

சமீபத்தில் திருப்பூரில் இது வெளியானது என்னை மிகவும் அதிர்ச்சியடைய செய்தது...பல்லடம் மற்றும் பொங்கலூரில் நோயினால் இறந்த கோழிகளின் இறைச்சியை இங்கு கொண்டுவந்து சில இடங்களில் வைத்து சுத்தம் செய்து உணவு விடுதிகளுக்கு அனுப்பியதாக அதிகாரிகள் தெரிவித்துள்ளனர்...

பொதுவாக இங்கு சனி மற்றும் ஞாயிறுகளில் அசைவ விடுதிகளில் கூட்டம் அல்லாடும். இவ்வாறு இறைச்சி சப்ளை எத்தனைநாள் நடந்தது என்று தெரியவில்லை... இதனால் எவ்வளவு மக்கள் பாதிப்படைந்தனர் என்றும் தெரியவில்லை... இத்தகைய நிகழ்வு மேலும் பரவாமல் அரசாங்கம் எவ்வாறு தடுக்கும் என்றும் தெரியவில்லை...

இதனால் பல நல்ல உணவு விடுதிகள் பாதிப்படைந்தாலும் இதனை முற்றிலும் தவிர்க்க ஒரே வழி வீட்டிலேயே சமைத்து உண்பதுதான். ஆனால் இங்கு பல நண்பர்கள் பாட்சுளர் வாழ்க்கை வாழ்கின்றனர். அவர்கள் இன்னும் சிறிது காலத்துக்காவது அசைவ உணவை தவிர்க்க வேண்டும்; அல்லது பெரிய கடைகளில் கிடைக்கப்பெறும் packed food's பயன்படுத்தலாம். அவை தரமானதாகவே இருக்கிறது. மேலும் அவ்வகை உணவை பயன்படுத்தி ஏதேனும் பிரச்சனை வந்தால் அதனை சட்ட ரீதியாக எதிர்கொள்ளவும் முடியும்.

"திருடராய் பார்த்து திருந்தாவிட்டால்" எவ்வளவு சத்தியமான வரிகள். ஆகவே மனசாட்சி உள்ள மனிதர்கள் என்றைகாவது ஒரு நாள் திருந்துவார்கள் என்ற நம்பிக்கையுடன்.....

சிம்பா...

2009 ஆம் ஆண்டின் மிகப்பெரிய காமடி

2009-03-19T16:06:00.003+05:30

பணவீக்கம்...இந்த வார்த்தையை சமீப நாட்க்களில் அறியாத பாமரரும் இல்லை... சென்ற வருட ஆரம்ப நாட்க்களில் என்னவென்றே அறியப்படாத இந்த வார்த்தை இன்று பட்டி தொட்டி எல்லாம் கொடி கட்டி பறக்கிறது...

இதற்கு காரணம் அசுரவளர்ச்சி கண்ட பங்குச்சந்தை, மற்றும் படுகேவலமான நமது ஆளும் மத்திய அரசின் பொருளாதார கொள்கை... ஏறினாள் என்றைக்கும் இறங்காத ஒன்று விலைவாசி... அப்படி முரட்டுத்தனமாக ஏறிய விலைவாசி எனக்கு தெரிந்து, அல்லது என்னை போன்ற பாமரர்கள் அறிந்த வரை இறங்கவில்லை என்றே நினைக்கிறேன்.

அப்படி இருந்தும் இன்று வெளியான பணவீக்க விகிதம் 0.44% மட்டுமே. சுருக்கமா சொல்வதென்றால் இந்திய வரலாற்றிலேயே இன்றுவரை இல்லாத புள்ளி அளவு. இதற்கு முன் 2002 ஆம் ஆண்டு 1% அல்லது அதற்கு சற்று கூடுதலாக இருந்ததென்று நினைக்கிறன். அன்று இருந்த விளைவாசியுடன் இன்றைய நிலையை நீங்களே ஒப்பிட்டு பார்த்து கொள்ளுங்கள். 18 முதல் 20 ரூபாய்க்கு விற்ற கிலோ அரிசி இன்று 40 ரூபாயை நெருங்கிக்கொண்டிருக்கிறது. இப்படி பணவீக்கத்தை கட்டுப்படுத்த அரசாங்கம் நேரடியாகவும் மறைமுகமாகவும் பல லட்சம் கோடிகளை செலவழித்துள்ளது.

இதை தவிர பாரத ரிசர்வ் வங்கி எடுத்த பல நடவடிக்கைகள் மூலம் பணவீக்கம் மறைந்து (புள்ளிகளின் அளவிலேயே) இன்று பணவாட்டத்தை நோக்கி போகும் சூழ்நிலை உருவாகி உள்ளது. அதாவது உற்பத்தி இருக்கும் அளவு தேவைப்பாடு இல்லாமல் இருக்கும் சூழ்நிலை. அவ்வாறு நடந்தால் அந்த பொருட்களின் விலை சரியும். ஆனால் நம்னாட்டிலோ பண முதலைகள் அனைவரும் உற்பத்தி குறைப்பு என்ற அஸ்திரத்தை கையில் எடுத்து எந்த ஒரு பொருட்களின் விலையும் குறையாமல் பார்த்து வருகின்றனர்.

தீவிரவாதிகளின் கொலை விளையாட்டு, வேலை இழப்பு, சம்பள குறைப்பு, ரூபாயின் மதிப்பு வீழ்ச்சி, அளவுக்கு அதிகமான இலவசங்கள் என்று சீரழிந்து வரும் நம் நாட்டில் அணு ஆயுத ஒப்பந்தம், I.P.L விளையாட்டு என்று மிளிர்கிறது இந்தியா, எரிகிறது ஏழைகளின் வயிர்.

இந்த நிலை தொடர்ந்தால் இந்தியா, அடுத்த ஆப்கன் ஆகும் நிலை வெகு தொலைவில் இல்லை...

சிம்பா...

காங்கிரஸ் தலைமையின் கசமுசா பக்கங்கள்..

2009-03-06T23:53:00.004+05:30

முன்னமே சொல்லிடறேன்... நான் காங்கிரஸ்காரன் என்று தொடையை தட்டி வீரம் காட்டும் ஆசாமிகள் தயவு செய்து மேலே படிக்க வேண்டாம். மீறி படித்து, இந்த தலைமைக்காகவா இவ்வளவு நாள் பாடுபட்டோம் என்று சுவற்றில் முட்ட வேண்டாம்.

கல்விக்கண் திறந்த ஐயா காமராஜர் வாழ்ந்த அதே காங்கிரஸ் காட்சியில் இவர்களும் இருந்தனர் என்று நினைக்கும் பொழுது ஒரு கணம் என் மூச்சு நின்று போனது...

நேரு குடும்பத்தின் உண்மையான உருவத்தை Krishna R. Prasanth எழுதியுள்ள கட்டுரை வெட்டவெளிச்சமாக காட்டுகிறது.. இதனை பற்றி சமகாலத்தில் வாழ்ந்த மஹாத்மா காந்தி அவர்களது சுயசரிதையில் குறிப்பிடாதது மிகவும் வியப்பாக இருக்கிறது...

அந்த கட்டுரையின் இணைப்பு இங்கே சொடுக்கவும். இது ஆங்கிலத்தில் உள்ளது.. இதனை மொழிபெயர்த்து வலையேற்றலாம் என்று நினைத்தேன். ஆனா முடியல.. கோபம் தான் வருது.. பேசாம நீங்களே எழுத்து கூட்டி படிச்சு பார்த்துக்கோங்க.

இவ்வாறன ஒரு கட்டுரையை எழுதி என்போன்ற மூடர்களின் கண்களை திறந்த Krishna R. Prasanth அவர்களுக்கு கோடான கோடி நன்றிகள்.

சிம்பா..

வாழ்த்துக்கள்

2009-03-01T23:01:00.003+05:30

இன்று தொடங்கும் பள்ளிகூட பொது தேர்வில் மாணவ செல்வங்கள் அனைவரும் நல்லபடியா பரீட்சை எழுதி, முக்கியமா இந்த அண்ணன் சொல்லி குடுத்த மாதிரி எழுதி நல்ல மார்க் எடுத்து நல்ல கல்லூரியில் சேர்ந்து இந்த அண்ணனோட மானத்தை காப்பாத்தும் படி.....

எதிர்காலத்தை பற்றி கவலை படவேண்டாம். இந்த இப்போ இருக்க நிலை ரொம்ப நாளைக்கு இருக்காது. அதுதாங்க global recession. எனவே கவலை படாமல் நீங்க உங்க குறிக்கோளை நோக்கி பயணத்தை தொடருங்க..

வெற்றி உமதாக எல்லாம்வல்ல என் பழனி ஆண்டவனை வேண்டுகிறேன்.

வீக் எண்டு புலம்பல்..

2009-02-28T15:18:00.004+05:30

பொதுவா ஒவ்வொரு வாரமும் சனி, ஞாயிறு நாட்க்களில் எங்கயாவது எஸ்கேப் ஆவது வழக்கம். இப்போ வாரக்கடைசீ மட்டும் இல்லாம மாசக்கடைசீயும் வந்து மணிபர்சை கடித்ததால் வீட்டுக்கு நல்ல பையன் ஆகியாச்சு.. பதிவு உலா, பின்னூட்டம் என்று நேரத்தை ஒதிக்கினாலும் இன்னும் மிச்சம் இருக்கு...
--------------------------------------------------------------------------------------------------

போனவாரமே வாடா வாடா என்று சொன்ன நண்பனோட வீட்டுக்கு போய் அவனோட செல்ல நாய்கிட்ட ரொம்ப செல்லமா வாங்கின கடியோட வலி இன்னும் பாக்கி இருக்கு.. அது கூட பரவாஇல்ல, ஜோக்கு சொல்றேன் பேர்வழினு "டேய் மாப்ள இத கேளேன், இல்ல நீ கேளேன்" என்று எதோ படத்துல வர்ற மாதிரி ஆரம்பிச்சுட்டான்னா.. எப்பா அதுக்கு நாய் கடியே தேவலை..

அப்போ வாஸ்த்து சொல்றேன் பேர்வழி என்று எதுனா தெரிஞ்சவங்க ஆபிசுக்கு போலாமா.. ஆனா அந்த சின்னசாமி ஆபிசுல நடந்த மாதிரி ஆகிட கூடாது.. என்ன ஆச்சுனா கேக்கறீங்க!!!... நானும் தெரியாத்தனமா போய், முதலாளி இந்த டேபிள் இப்படி இருந்தா நல்லா இருக்கும், இந்த கல்லாப்பொட்டிய கிழக்க பார்த்து போடணும் என்று, நம்ம வாய் தான் கம்முனு இருக்காதே. அந்த ஆளு அதையே சாக்கா வச்சுக்கிட்டு வரப்போற ஆயுத பூஜைக்கும் சேர்த்து இப்போவே ஆபீஸ சுத்தம் பண்ணிட்டாரு. பெண்டு நிமிந்து போச்சு..
--------------------------------------------------------------------------------------------------

சரி வலைப்பதிவு பக்கம் போய் யாரையாவது வம்புக்கு இழுக்கலாம்னா, நமக்கு தெரிஞ்ச ஆளுங்க யாரும் பதிவு பக்கமே வரலை. தெரியாத ஆளுங்க பதிவுக்கு எதிர்பதிவு போட்டா??? அதிலும் ஒரு சிக்கல், யார்ரா அவன் என் பாட்டுக்கு எசப்பாட்டு பாடுறதுன்னு கத்தியை தூக்கிட்டா...!!!

சூரியகாந்தியை முழுசா படிச்சாலும் ஒரு மணி நேரம் தான் வரும்.. ஒன்னு செய்யலாம், வாழ்க்கையில் முன்னேறுவது எப்படி... இந்த மாதிரி எதுனா புக்கை கையில் எடுத்தா சகட்டு மேனிக்கு தூக்கம் வரும். நல்ல யோசனை தான்...

இதை விட சுளுவா எதுனா வழி இருக்கா.. மக்கா அப்படி இருந்தா கொஞ்சம் சொல்லுங்க... ப்யூசர்ல உதவும்...

சிம்பா..

பொழப்பு சிரிப்பா சிரிக்குது...

2009-02-19T22:23:00.002+05:30

நாங்க போலீஸ் இல்ல பொறுக்கி என்று ஒரு கூட்டமும் நாங்க வக்கீல் இல்ல ரௌடி என்று இன்னொரு கூட்டமும் நடுவர்கள் யாரும் இல்லாமல், அல்லது யாரையும் மதிக்காமல் ஒரு போர் நிகழ்வை கண்முன் காட்டி விட்டது...

மணிரத்னம் அவர்கள் ஒரு படம் எடுத்தால் கூட இப்படி காட்சிகள் கிடப்பது ஐயமே.. காவல்துறையும், நீதித்துறையும் மோதிய கட்சிகள்... அடடா..தமிழகத்தின் பெருமையை உலகறிய செய்ய மற்றொரு உதாரணம்.

இதுக்கு முன்ன படிக்கும் போதே நாங்கெல்லாம் அப்பவே அப்படி என்ற ரீதியில் சும்மா பூந்து விளையாண்டாங்க. அப்போ கை கட்டி வாய் பொத்தி வேடிக்கை பார்த்த காவல்துறை, இன்று அவர்களுக்கும் அவர்களது உடமைகளுக்கும் நேரடியான ஆபத்து என்று வந்ததால் உள்ள இறங்கி ஊடு கட்டுனாங்க பாருங்க...

உணர்வுகளுக்கு மதிப்பளிக்காமல் சட்டம் ஒழுங்கை நிலை நாட்ட வேண்டிய இவ்விருபிரிவினரும் இன்று யார் அடிச்சாலும் யாரை அடிச்சாலும் வலிக்கும் என்று நிரூபித்து விட்டனர்...

அதும் ஓரமா நிக்கிற வண்டி இவங்கள என்ன பண்ணுச்சு.. பழைய பகையை தீர்க்க இதான் சமயம் என்று ஒரு ஒரு வண்டியையும் நொறிக்கினாங்க பாருங்க... அப்போ இதெல்லாம் இல்லாத (பதவி, பணம்) அப்பாவி, அந்த நிமிசத்துல நிதானம் இழந்து செய்யற ஒரு சில காரியங்களுக்கு ஒரு வருஷம், அஞ்சு வருஷம் என்று உடம்ப ஓடிச்சு களி திங்க வைக்க இவங்களுக்கு என்ன யோக்கியதை இருக்கு..

சரி இந்த சட்டம் ஒழுங்கு பிரச்சனையை அலசி ஆராஞ்சு யார் தீர்ப்பு சொல்லுவாங்க.. அப்படி சொன்ன அதில் ஞாயம் இருக்குமா.. இல்ல அப்படி ஒரு வழக்கை பதிவு செய்ய காவல் துறைதான் ஒத்துக்குவாங்களா..

இது வரைக்கும் காவல்துறைக்கு யூனியன் இருக்க மாதிரி எனக்கு தெரியலை.. இனி அதும் உருவாகிடும் போல... ஆனா ஒன்னுங்க.. எப்படியோ நம்ம ஊரு மானம் கப்பல் ஏறி அடுத்த கண்டத்துக்கும் போயாச்சு...

நல்லா இருங்க....

காதல் வந்திருச்சு..

2009-02-13T23:36:00.003+05:30

காதல் சொல்ல வந்தேன்...

மாப்ள சீக்கிரம் கிளம்புடா.. இந்த நேரத்துல ரெயிலு புடிச்சாதான் விடியக்காலையிலேயே சென்னைக்கு போக முடியும்...

குட்டி திடீர்னு சென்னைக்கு எதுக்குடா... கடல் கடந்துன்னு சொல்ற பழமொழிய இப்படி தான் நெசமாக்குவியா..

வேற வழி.. உள்ளூர்ல பொண்ண தேடுனா உள்ள இருக்க குடல் வெளிய வர்ற மாதிரி நொங்கி போடுறாங்க.. ஆனா சென்னைல அப்படி இல்ல.. அங்க இருக்க பீச்சுக்கு ஆள கூட்டிட்டு போய்ட்டா அவளவு வசதியாமா..

அட குட்டி இம்புட்டு அறிவு உனக்கு எப்படிடா வந்துச்சு.. அது சரி, ஆனா இப்போவே எதுக்கு போகனும்னு சொல்ற...

மாப்ள உனக்கு சொன்னா புரியாது..ஷட்டெர இறக்கி விட்டு கம்முனு வா...

சென்னை பட்டணம்... அதிகாலை ஆறு மணி..

உண்மையாவே பீச் நல்லா தான் இருக்கு...குட்டி இங்க என்னடா செய்யப்போற..

டேய் மாப்ள, இங்க தான்டா இன்னிக்கு ஜோடிகள் ஜோடி சேருவாங்க..

இந்த வெட்ட வெளிலையா.... ஆமாண்டா மாப்ள...

சரி அதுக்கு இப்போவே வந்து என்ன செய்ய போற..

சும்மவாடா மாப்ள.. நாமளோ வெளியூரு.. இந்தபக்கமேல்லாம் ஜோடியா ஆளுகள பார்த்தா, ஓடவிட்டு ஏறி மிதிக்கராங்கலாம்.. அதோட இந்த ஊரு போலிசு குதிரைல வருவாங்களாம். பொழுது போகலைனா சுத்தி நின்னு சாட்டவார்ல வீசுவாங்கலம்.

ஒஹோ...

அப்புறமா இங்க வித விதமா வேற ஆட்டைய போடுவாங்களாம். எக்கி நின்னு கத்தினாலும் நாலு அடிக்கு மேல கேக்காதாம்..

அப்படியா... மேல சொல்லு குட்டி..

அதோட மாப்ள, நைட் ஆனா லைட் வேற போடுவாங்களாம்...

ஏண்டா குட்டி, இருட்டானா போடத்தானே அந்த கருமத்த கண்டுபிடிச்சாங்க..

அது வாஸ்தவம் தான். ஆனா வெளிச்சம் நம்ம மேல படாத இடமா பார்க்கணும். அதோட காத்து வசவா வீசுற இடமா இருக்கணும்.. கொஞ்சம் மறவா இருந்தா தேவுல.. அப்படியே கடலுக்கு பக்கத்துல இருந்தா நல்லா இருக்கும். பொசுக்குனு தண்ணிக்குள்ள தாண்டுற மாதிரி இருந்தா பணம் பத்திரமா இருக்க மழகாயிதத்துல சுருட்டி வெச்சாச்சு..

எனக்கு பெருமையா இருக்கு குட்டி.. உனக்கு தான் எவளோ அறிவு..

(உடைந்து நின்ற படகின் இடுக்கில் இருந்த ஒரு இடம்)

மாப்ள, மாப்ள நில்லுடா.. இங்க பாருடா....

என்ன குட்டி, தங்கம் எதுனா கிடக்கா....

இல்லடா, இந்த இடம் தோதா இருக்கு..

எதுக்கு...

காதல சொல்ல தான்..

ஓஹோ..அப்போ எல்லோரும் இப்படி தான் காதல சொல்றீங்களா..

ஏண்டா குட்டி, உனக்கு எதுக்கு புத்தி இப்படி போகுது.. நாலு பேரு பார்த்தா என்ன ஆவுறது.. வெக்கமா இல்ல.. குடும்பத்தோட வர்றவுங்க, கொழந்தைக எல்லாம் எப்படிடா இந்த பக்கம் நடமாடுவாங்க..

மாப்ள. உலகம் இருட்டாகனும்னா நம்ம கண்ணை மூடிட்டா போகுது..

அட கன்றாவியே..இப்படி பேசித்தான் அந்த புள்ளைய கவுத்துட்ட போல..அப்போ நாய்க்கும் மனுசனுக்கும் என்னடா வித்தியாசம்...உங்களையெல்லாம் ஓடவிட்டு அடிக்க கூடாது.. நாய விட்டு கடிக்க விடனும்.

என்னமோ குட்டி.. உன்னோட காமம், அடச்சே காதல் வெற்றியடைய வாழ்த்துக்கள்...

உசிரோட இருந்தா ஊருக்கு வந்து சேரு....

வரட்டா...

அப்பா கிட்ட சுட்டது...

2009-01-31T00:57:00.005+05:30

மும்பை வெடிகுண்டு தாக்குதலுக்கு பிறகு அதன் நினைவாக எழுதப்பட்டு பரணியில் அடுக்கப்பட்ட கவிதை... இப்போ தான் என் கைக்கு சிக்கியது.. அதனை உங்களுக்காக இங்கு....

வாழ்கவே

கோடி கோடி மாந்தரெல்லாம்
கூடி வாழும் கூட்டயே

பேடி போல் இரவில் வந்து
பிரித்தெரிந்த துரோகிகள்

நாடு விட்டு நாடு வந்து
நள்ளிரவில் கூடியே

ஓடவிட்டு உயிர்குடித்தார்
உறங்கவில்லை மும்பையே

தேசம் காக்கும் வீரர்கள்
தீரமுடன் கூடினர்

நாசகார கும்பலின்
நாடி நரம்பு அறுத்தனர்

தன் உயிர் ஈந்தனர்
தாயின் மானம் காத்தனர்

வன்முறையினாலே வெற்றி
வாய்ப்பதில்லை வாழ்கவே...

வலசூரார்...

தம்பி கணேசா நான் வக்கீல் வந்திருக்கேன்

2009-01-25T21:43:00.003+05:30

எல்லோரும் மொக்கை பதிவு போடறாங்க..நமக்கு அப்படி ஒரு வாய்ப்பு கிடைகலையே என்று ஏங்கி போனேன். ஆனா சீனியர் நண்பர் ஒருவரை சந்திக்க சேலம் வரை சென்றேன்... இப்போ கூட அவரோட கை கணினியில் இருந்து தான் இந்த பதிவு...

மேட்டர் என்னானா நான் முதல் நாள் வரும் பொழுது அந்த நண்பர் செய்து வைத்த ஏற்பாடு போதவில்லை.. அண்ணா என்ன இப்படி செய்துட்டீங்க.. இது பத்தாது எனக்கு என்று சொல்ல, இரவு மூன்று மணி என்று ஆனது கூட பாராமல், தம்பி என் பின்னாடி ஏறி உக்காரு என்று கூறி வாடிக்கையான இடத்துக்கு என்னை கூட்டி சென்றார். அங்க போய் "கணேசா வக்கீல் வந்திருக்கேன்" என்று இவர் சொல்ல, உள்ள இருந்து வந்தவர், சொல்லுங்க அண்ணா எத்தன பாட்டில் வேணும் என்று நேராக விசயத்துக்கு வந்தார் ..-

பிறகு நண்பரின் வீட்டுக்கு வந்த உடன், அண்ணா you are really great என்று தங்கத்தை கையில் எடுத்தது போல் நான் கூற... இங்க இதெல்லாம் சகஜம் தம்பி.. இன்னும் சொல்ல போனால் அங்க இருந்த ஆளு பேரு கணேசனா என்று கூட எனக்கு தெரியாது,, ஆனா அவசர தேவைக்கு நான் இப்படி கேக்கறதும் அவங்க தேவையானத குடுக்கறதும் வாடிக்கை ஆகி போச்சு என்று கூறினார்...

மக்கா நேரம் கழிச்சு உங்களுக்கும் பசி எடுத்தா நீங்களும் மறக்க கூடாத ஒரு வரி... "கணேசா நான் வக்கீல் வந்திருக்கேன்"...

சில்லறைக்காக நாக்கை தொங்கப்போட்டு காத்திருக்கும் சில்லறைகள்....

2009-01-20T20:39:00.004+05:30

வேற வழி.. நாம போறதுக்கு முன்னாடி நம்ம இயல்பு போய் முன்னாடி மணி ஆட்டிடுது.. மேட்டர் ஒன்னும் பெருசா இல்லங்க சில்லற விஷயம் தான்.. இப்போ எங்க போனாலும் ஒரு பொதுவான பழக்கம் என்னானா ஐம்பது பைசா ஒரு ரூபாய் என்று போய் ஐந்து ரூபாய் வரை சில்லறை இல்லை என்று சொல்லி மிட்டாய் குடுக்கும் நிலை...

என்ன கொடுமை சாமி இது.. இல்லாதப்பட்டவன் எதோ அலைஞ்சு திரிஞ்சு பத்து, ஐம்பது சம்பாதிச்சு பொருள் வாங்க போனா கேட்டதும் குடுக்குறாங்க, கேக்காததும் குடுக்குறாங்க... எங்க ஊருல கண்ணன் டிபார்ட்மெண்டல் கடை ஒன்னு இருக்குங்க.. ஒரு ஒரு section தனி தனி பில்லிங். மாடி ஏறி கீழ இறங்கி ஒரு நாலு பில்லு கைல இருந்தா பத்து மிட்டாய் இருக்கும்...

இன்னும் சில மளிகை கடைல ஒரு படி மேலேயே போய் தனியா ரூவா அட்டை போட ஆரம்பிச்சுடாங்க.. ஐம்பது பைசாவில் இருந்து பத்து ரூவா வரை அவங்களே அட்டை போட்டு அத பணத்துக்கு மாற்றா குடுக்குறாங்க..

இதில் இரவு நேரத்தில் பேருந்துக்கு காத்திருப்போர் நிலைமை இன்னும் மோசம்.. மூணு ஐம்பது சில்லறை இருந்தா வண்டியில ஏறு, இல்லனா ஒதுங்கி நில்லு என்று சொல்லி போலாம் போ என்று வண்டியை விடுவார்கள்.

இப்படியே போய்கிருந்தா இதுக்கு ஒரு முடிவே இல்லையா.. இப்படி தனியா கரன்சி நோட்டு போடறவங்க, மிட்டாய் தர்றவங்கள என்ன பண்ணலாம்????

சிம்பா..

புழுதிக்காடு

தமிழா !!! விழித்திடு

சந்தோஷி நினைவுகள்...

நான் மட்டும் ஒத்தையாளா எப்படி இந்தியாவை காப்பாத்துவேன்......!

செகண்டு இன்னிங்க்ஸ்

வாழும் வரலாறு

அந்த ஒரு நிமிடம்

ஊர் கூடி..

சும்மா ஒரு பதிவு

4 சாப்பாடு விலை 50,000 ருபாய்

ஆயிரத்தில் ஒருவன் - late(st) ரிவ்வியு

இந்த பக்கமும் வந்துட்டு போங்க.

சேம் சைடு கோல்

பேப்பர் -- பேப்பர்

லேடீஸ் ஸ்பெஷல்

VEHICLE SUMMARY

ENGINE SPECIFICATIONS

OTHER SPECIFICATIONS

ACTIVE AND PASSIVE SAFETY

COMFORT AND CONVENIENCE

தீபஒளி திசையெங்கும் வீசட்டும்

முதலீடு இல்லாத தொழில்

கிரிக்கெட் கலாட்டா 2009

ICC Champions Trophy 2009 Schedule

நினைத்தாலே இனிக்கும்

விலைவாசி விண்ணையும் தாண்டும்

சுத்தமாக பறிபோன சுதந்திரம்

புழுதிக்காடு

பதிவுலக விபச்சாரம்

இரவுகள் தரும் வெளிச்சம்

கலக்கல் பட்ஜெட் 2009

நாடோடிகள்

லக்கி லூக்கின் இன்னொரு முகம்.

தாய்----அன்பு

நெருப்பில்லாம புகையுமா??

இதை விட பல கொடுரங்கள் எதிர் காலத்தில் ஈழத்தில் நடை பெரும்...

உள்ளூர் கிரிக்கெட்

உதவிக்கு அழைக்கிறேன்....

பதினெட்டு வயதுக்கு மேலே உள்ளவங்களுக்கு மட்டும்.

மனித உருவில் நடமாடும் மிருகங்கள்..

2009 ஆம் ஆண்டின் மிகப்பெரிய காமடி

காங்கிரஸ் தலைமையின் கசமுசா பக்கங்கள்..

வாழ்த்துக்கள்

வீக் எண்டு புலம்பல்..

பொழப்பு சிரிப்பா சிரிக்குது...

காதல் வந்திருச்சு..

அப்பா கிட்ட சுட்டது...

தம்பி கணேசா நான் வக்கீல் வந்திருக்கேன்

சில்லறைக்காக நாக்கை தொங்கப்போட்டு காத்திருக்கும் சில்லறைகள்....